बिहानैदेखि रित्तो खाना पकाउने एलपी ग्यास(सिलिण्डर)माथि बसेकी थिइन् काठमाडौं नयाँ बानेश्वर बस्ने ६३ वर्षीया रन्जना श्रेष्ठ। ६ बजे नै अनामनगरको नेपाल ग्यास डिपोमा पुगेकी श्रेष्ठ १ बजेसम्म सिलिण्डर पाउने आसामा बसेकी थिइन्। घरि रित्तो सिलिण्डरमाथि बस्थिन् त घरि यताउति डुल्थिन्। एकै ठाउँमा धेरै बेर बस्दा हात, खुट्टा र ढाड दुख्छ।’ उनले भनिन्, ‘नबसौं भने ग्यास नै नपाइएला भन्ने डर।
२०७२ को नाकाबन्दी समेत भोगेकी श्रेष्ठलाई फेरि त्यस्तै अवस्था आउन लागेको भ्रम रहेछ। ‘नेपालमा पनि कोरोना भाइरस आउँदै छ रे ? मानिसहरु पनि मर्छन् रे! विदेशबाट सामान नै आउँदैन भन्ने हल्ला छ। भोलिपर्सी त केही पनि पाइदैन। त्यही भएर लाइनमा बसेर पनि सिलिण्डर लिन आएकी।’ पहिले नाकाबन्दी हुँदा कस्तो अवस्था आएको थियो तपाइलाई थाहा छ? फेरि त्यस्तै हुँदैछ रे! उनले प्रश्न गर्दै सोधिन्।
