ललितपुरको बखुण्डोलस्थित एक कवाडी गोदाममा आगलागी भएको छ। नेपालस्थित कोरियन दूतावास नजिकको कवाडी गोदाममा आगलागी भएको हो।

महानगरीय प्रहरी परिसर, ललितपुरका प्रमुख एसएसपी टेकप्रसाद राईले आगो नियन्त्रणमा लिने प्रयास भइरहेको अनलाइनखबरलाई बताए।

अहिले काठमाडौं र लतिलपुर महानगरपालिकाको दमकल आइपुगेको छ। नियन्त्रणमा लिने प्रयास जारी छ।

प्रारम्भिक अनुसन्धानमा विद्युत् सर्ट भएर आगलागी भएको हुनसक्ने अनुमान गरिएको छ।