नेपाली बजारमा सुनको भाउले फेरि नयाँ रेकर्ड कायम गरेको छ। मंगलबार ५ सय रुपैयाँले घटेर तोलाको ७५ हजार ५ सयमा कारोबार भएको सुन बुधबार एक हजारले बढेर तोलमा ७६ हजार ५ सयमा कारोबार भइरहेको छ। यो मूल्य आफैमा नयाँ रेकर्ड हो। 

यसअघि सोमबार सुनको मूल्य  ७६ हजार पुगेको थियो।

सुनचाँदी व्यवसायी महासंघका अनुसार चाँदी पनि तोलमा २० रुपैयाँले बढेको छ। आज चाँदी तोलको ९ सय २० मा कारोबार भइरहेको छ। 

पुस महिनामा सुनको कारोबार न्यून हुने भएपनि बारबार बढिरहने गरेकोले व्यापार ठप्प भएको छ।