नेपाल भ्रमण वर्ष–२०२० अभियान जनवरी १ अर्थात पुस १६ गते बुधबार दशरथ रंगशालाबाट सुरु हुने भएको छ।

संस्कृति, पर्यटन तथा नागरिक उड्डयनमन्त्री योगेश भट्टराईले भ्रमण वर्ष भव्य र ऐतिहासिक रूपमा मनाउने तयारी भएकाे बताए।

सोमबार राजधानीमा भएको कार्यक्रमलाई सम्बोधन गर्दै मन्त्री भट्टराईले भ्रमण वर्ष–२०२० को लक्ष्य मात्र पर्यटन भित्र्याउने होइन। नेपालको सांस्कृतिक पक्ष झल्काउने पनि भएको बताए।