अमेरिकामा सप्ताहान्तमा गोलीबारी साप्ताहिक इभेन्ट जस्तै भएको छ । यसपटकको सप्ताहान्तमा पनि केही मानिसको जीवनलाई गोलीबारीले पूर्ण विराम लगाइदिएको छ । मध्यपश्चिम अमेरिकाको शिकागो महानगरमा एक अपार्टमेन्टमा गोली चल्दा चार जना मारिएका छन् भने एकजना घाइते भएका छन् ।
प्रहरीका अनुसार मारिएकाहरुमा तीन जना पुरुष र एक महिला रहेका छन् । उनीहरूमाथि खाना खाइरहेको बेला गोली हानी मारिएका थिए ।
उनीहरूलाई एउटै अपार्टेमेन्टमा बस्दै गरेका एकजना ६७ वर्षीय निर्माण मजदूरले मारेका हुन् ।
उनी विगत १५ वर्षदेखि अपार्टमेन्टमा बस्दै आएका थिए ।
प्रहरीले ती शंकास्पद व्यक्तिलाई पक्राउ गर्नुका साथै उनीसँग रहेको हतियार बरामद गरेको छ ।
गोली चलाउनुको कारण बारे अनुसन्धान भैरहेको प्रहरीले जनाएको छ ।
