बेलायतको लण्डनमा रहेको भारतीय दूतावास अगाडि नेपालको सीमाना मिचेको विरोधमा प्रदर्शन भएको छ। गैरआवासीय नेपाली संघ यूकेको नेतृत्वमा कालापानी लगायत अतिक्रमित क्षेत्रबाट तुरुन्तै भारतीय सेना हट्नुपर्ने, भारतले निकालेको नयाँ नक्सा सच्याउनुपर्ने जस्ता मागहरु राखेर नाराबाजी गरिएको थियो।
तत्काल नक्सा सच्याउने लगायतका विषयहरु समेटेर तयार पारिएको पत्र एनआरएन यूकेका अध्यक्ष पुनम गुरुङ र महासचिव फडिन्द्र भट्टराईले हस्ताक्षर गरी भारतीय दूतावास मार्फत् प्रधानमन्त्री नरेन्द्र मोदीलाई पठाइएको छ।
निवृत्त गोर्खा सैनिक, विभिन्न संघ संगठनका प्रतिनिधि, समाजसेवी र वेलायतबासी नेपालीहरुको जुलुसमा सहभागिता रहेको थियो।
एनआरएनले संसारभरीका आफ्ना शाखालाई भारतले सिमाना मिचेको विरोधमा उत्रन अह्वान गरेको छ।
