उपत्यकाभित्र रहेका सहकारी तथा वित्तिय संस्थामा चोरी तथा लुटपाट गर्ने दुई जनालाई प्रहरीले पक्राउ गरेको छ। पक्राउ पर्नेमा रामेछाप दोरम्बा गाउँपालिकाका सुनिल थापा मगर र दानबहादुर थापा मगर रहेका छन् ।

महानगरीय अपराध महाशाखाका एसपी केदार ढकालका अनुसार उनीहरुले भदौ २५ गते बिहान २ बजेको समयमा काठमाडौं पेप्सिकोला टाउन प्लानिङमा रहेको हर्षित बचत तथा ऋण सहकारी संस्थामा चोरी गरेको जानकारी दिएको छ।

उनीहरुले संस्थाको कोठा फोडेर सात लाख उनान्नई हजार नौ सय बयानब्बे रुपैयाँ र विभिन्न व्यक्तिका कागजात चोरी गरेको प्रहरी अनुसन्धानमा खुलेको छ।
प्रहरीले उनीहरुको साथबाटचोरी गरी लगेको फलामको सेफ तथा सेफ फोड्न प्रयोग गर्ने फलामको रड, त्रिपन्न हजार रुपैयाँ बरामद गरेको छ।