बैंककको फुकेटमा बसेर विगत ६ महिनादेखि अभ्यासरत डुवाना लामाले सातौं बृहत राष्ट्रिय खेलकुदभन्दा यसपालि उत्कृष्ट प्रदर्शन गरेकी छिन्।
सातौंमा २ वटा स्वर्णमा चित्त बुझाएकी डुवानाले आठौं बृहत राष्ट्रिय खेलकुदअन्तर्गत पौडीतर्फ ६ स्वर्ण र ५ रजत पदक जितेकी छिन्। ब्रेष्ट स्ट्रोकमा उनको वर्चश्व देखिएको छ।
उनले ५०, १ सय र २ सय मिटर ब्रेष्ट स्ट्रोकमा स्वर्ण जितेकी छिन्। यस्तै, २ सय मिटर बट्टरफ्लाईमा पनि स्वर्ण जित्न सफल भइन्। १२ वर्षीय त्रिभुवन आर्मीकी डुवानाले
४ गुणा सय मिटर इन्डिभिजुअल मिड्लेमा त्रिभुवन आर्मीकी गौरिका, उपास्थी महर्जन र सोफिया गुरूङसँग मिलेर स्वर्ण जितेकी थिइन्। उनले बुधबार अन्तिम दिन ४ गुणा सय मिटर फ्रिस्टायल रिलेमा गौरिका, उपास्थी र सोफिया शाहसँग मिलेर फेरि स्वर्ण जितेकी थिइन्।
अन्तिम दिन उनी १ सय मिटर ब्याक स्ट्रोक र २ सय मिटर इन्डिभिजुअल रिलेमा गौरिका पछि दोस्रो भइन्।