इन्दस नदीले मानव सभ्यताको शताब्दीयौं पुरानो इतिहास बोकेको छ। यस भेगमा आज पनि हजारौं वर्ष पुरानो भाषा, संस्कृति र संगीतका अवशेष बाँकी छन्।
पाकिस्तानको दक्षिणी भेग मोहेन्जोदारोदेखि उत्तरको हुन्जा उपत्यकासम्म आज पनि हजारौं वर्ष पुराना केही बाजाहरू बजिरहेकै छन्। तर ती बाजा बनाउने र बजाउने जान्नेहरू मासिइरहेका छन्। ज्ञान र सिप हस्तान्तरण अभावमा पुस्तैनी संगीत परम्परा संकटमा छ। तिनको संरक्षण र प्रवर्द्धन नभए बाजा र सर्जकसँगै पाकिस्तानको विशिष्ट संगीत संस्कृतिका धेरै कुरा मरेर जानेछन्।
