खोकनाको खेतमा लहलह धान झुल्दैछ । तोरीका लागि प्रख्यात खोकनामा तोरी नफलेपनि विदेशबाट आयातित तोरीलाई भुटेर यहाँका तोरी मिलले तेल निकालिरहेका छन् ।
देशका सबै ठाँउमा दसैँको चटारो भएपनि यहाँ भने फरक दृश्य छ । यहाँ दसैँको भन्दा पनि सिकाली जात्राको चटारो छ । दसैँ नमान्ने परम्परा रहेको खोकनामा उनीहरु अन्यत्र जस्तो जमरा राख्दैनन् र टीका पनि लगाउँदैन । प्राचिनकालदेखि नै यहाँ सिकाली जात्रा मनाईदै आइएको छ ।
स्थानीयहरु सिकाली जात्राका लागि तयारी गरिरहेका छन् । नेवार समुदाय अन्र्तगत डङ्गोल र महर्जनहरुको बसोबास रहेको खोकनामा प्राचिन कालदेखि नै सिकाली जात्रा बनाउने गरेका छन् ।
