सभामुख कृष्णबहादुर महरामाथि यौन दुर्व्यवहारको गम्भीर आरोप लागेपछि यतिबेला नेपाली राजनीति तातेको छ । सभामुख महराले भने आफूमाथि लगाइएको आरोपहरुको खण्डन गरेका छन् ।
महराको तर्फबाट प्रेस संयोजक डिल्ली मल्लले गरेको खण्डनमा महरा असोज १२ गते आइतबार अपरान्ह २ बजेदेखि बालुवाटार निवासमै रहेको र अन्त कहीँपनि नगएको कुरा उल्लेख गरिएको छ । तर आरोप लगाउने महिलाले महरा करिब ७ बजे तीनकुनेस्थित उनको डेरामा आएको र आफूमाथि यौन अपराध गरेको मिडियाबाट आरोप लगाएकी छिन् । यद्यपि महराले गरेको भनिएको ‘यौन दुर्व्यवहार’को सम्बन्धमा ती महिलाले प्रहरीमा औपचारिक उजुरी वा निवेदन दिएकी भने छैनन् ।
