काठमाडौँ– राष्ट्रिय जनमोर्चाका अध्यक्ष चित्रबहादुर केसी पछिल्लो सयम नेपालको सङ्घीयताको प्रखर विरोधी राजनीतिज्ञका रूपमा परिचित छन् । उनको परिचय यतिमा सीमित छैन ।
नेपालको कम्युनिस्ट आन्दोलनमा २०१४ सालदेखिको केसीको राजनीतिक यात्रा अनवरत जारी छ ।
१९ वर्ष भूमिगत जीवन, ९ महिना जेलको भोगाइ अनि मोहनविक्रम सिंहको नेतृत्वक कम्युनिस्ट आन्दोलनमा उनको जुझारुपना उनको थप परिचय हो । राष्ट्रिय मुद्दामा खरो रूपमा प्रस्तुत हुने स्वभावले जनता माझ केसीको लोकप्रियता सदाबहार छ ।
जो कारण हुन सक्छ केसीको सादगी जीवन । घट्टेकुलाको सानो गल्लीभित्रको दुई कोठा र एउटा भान्सा उनको २० वर्षदेखिको डेरा हो । त्यहाँबाट केसीको राजनीतिको यात्रा जारी छ ।
उनी उखान टुक्का मिसाएर मीठो भाषण गर्ने स्वादिला नेताका रूपमा पनि परिचित छन् । प्रस्तुत छ रातोपाटीको मेरोजीवन स्तम्भका लागि चित्रबहादुर केसीसँग गरिएको कुराकानी :
