१.
मेरो देश मा यस्तै भा छ, बर्सौ पहिले राती बाट !
बिजुलि को काम चल्छ, कुप्पी दियो र बाती बाट !!

घुसखोरी, बलात्कारी,हत्यारा किन छाडनु भयो महोदय ?
प्रहरी सिधा उत्तर दिन्छ-आदेश थियो माथी बाट !!

हामीले  नै चुन्यौ जितायौ र देश बनाउन पठायौ,
अफसोच ! र आशा राख्यौ, त्यै राष्ट्रघाती बाट !!

हुन त भोट माग्न आउने हरु पनि, सबै चोर मात्रै छन,
बाध्यता!रोज्नै पर्ने छ एउटा चोर, चोर हरु कै ताँती बाट !! 

अचम्म मान्नु पर्दैन, मैले मेरै दुस्मन बाट हुँ मायाँ गर्न सिकेको,
दुश्मनी गर्न त सिकेको हुं, मैले मेरै साथी बाट!!

२.
कोही अघाएको,कोही भोको छ मेरो बस्तिमा!
कोही हाँसेको,कोही रोको छ मेरो बस्तिमा!!

बैज्ञानीक खेती हुन्थ्यो,सीचाइ हुन्थ्यो गरे,
बक्राहा र मावा ले छोको छ मेरो बस्तिमा!!

भैंसीले दुध कहाँ दिन्छ, चाकर हाम्ले नगरे,
लु न काटौ घाँस साथी,डोको छ मेरो बस्तीमा!!

यो परदेसमा पैसा कमाइ,घर फर्किने सोचमा छु,
माटोमा सुन फलाउने, धोको छ मेरो बस्तिमा!!

नखेली हार्नु भन्दा बोरु,खेलेरै हारौउला साथि
हेरौ मलाइ साथ दिने,कोको छ मेरो बस्तिमा!!