क्याम्पस प्रमुख प्रदीपबहादुर न्यौपानेलाई विद्यार्थीले कुटपिट गरि घाइते बनाएको विरोधमा मंगलबार त्रिचन्द्र क्याम्पस,घण्टाघर बन्द भएको छ।
विज्ञान संकायको शुल्क बृद्धि फिर्ता नगरेको भन्दै कांग्रेसनिकट नेपाल विद्यार्थी संघ (नेविसंघ) र नेकपा निकट अनेरास्ववियूका विद्यार्थीले सोमबार बिहान उनलाई क्याम्पस परिसरमै कुटेपछि पठनपाठन बन्द गरिएको छ।
प्रशासनले क्याम्पसमा पठनपाठन बन्द गर्नुका साथै क्याम्पसका सञ्चालन भइरहेको प्रयोगात्मक परीक्षा रोकेको छ।
न्यौपानेकाे ट्रमा सेण्टरमा उपचार भइरहेको छ।
