त्रिविको निमित्त ‘उपकुलपति’को जिम्मेवारी डा. केसीलाई
प्रधानमन्त्री एवं कुलपति केपी शर्मा ओलीले त्रिभुवन विश्वविद्यालयको रिक्त उपकुलपतिमा शिक्षाध्यक्ष प्रा.डा. खड्ग केसीलाई निमित्तको जिम्मेवारी दिएका छन्। उपकुलपतिको पदपूर्ति नभएसम्मका लागि त्रिभुवन विश्वविद्यालय ऐन, २०४९ को दफा २१ (ख) बमोजिम कुलपति ओलीको गत चैत ३१ गतेको निर्णयानुसार केसीलाई उक्त जिम्मेवारी तोकेका हुन्। त्रिवि ऐनअनुसार निमित्त उपकुलपतिको जिम्मेवारी बढीमा तीन महिनाको हुने व्यवस्था छ। विश्वविद्यालयका उपकुलपति प्रा.डा. केशरजंग बरालले राजीनामा दिएपछि उक्त पद रिक्त छ। बरालको राजीनामा गत चैत २८ गते स्वीकृत भएको थियो।
बिएल संवाददाता - काठमाडौं
