BreakNLinks

बिहिबार, ०७ अगस्ट २०२५

राजनीति

प्रचण्डको गुनासोः दलाल र बिचौलियाले संख्याको बलमा सरकारबाट निकाले

नेकपा (माओवादी केन्द्र)का अध्यक्ष पुष्पकमल दाहालले बिचौलियाहरूले संख्याको बलमा षडयन्त्रपूर्ण तरिकाले माओवादीलाई सरकारबाट बाहिर ल्याएको बताएका छन्। मंगलबार काठमाडौंमा आयोजित नेवाः तामाङ उपत्यका जागरण अभियान उदघाटन समारोहमा उनले माओवादीले नेपाललाई प्रतिनिधित्व गर्ने कुरामा रेकर्ड बनाए पनि प्रतिक्रियावादी, दलाल र बिचौलियाहरूलाई त्यो सह्य नभएको भन्दै उनीहरूले संख्याको बलमा षडयन्त्रपूर्ण तरिकाले आफूलाई सरकारबाट बाहिर ल्याएको बताए।

बिएल संवाददाता

बिएल संवाददाता - काठमाडौं

ओलीको दाबीः हिमाल आरोहणलाई सुरक्षित बनाउन सरकार क्रियाशील छ

प्रधानमन्त्री केपी शर्मा ओलीले हिमाल आरोहणलाई सुरक्षित बनाउन सरकार क्रियाशील रहेको बताएका छन्। अन्नपूर्ण हिमाल आरोहणको हीरक महोत्सवका अवसरमा मंगलबार म्याग्दीको अन्नपूर्ण गाउँपालिकाले वडा नम्बर- ४ को नारच्याङमा आयोजना गरेको समारोहलाई सम्बोधन गर्दै ओलीले हिमाल आरोहणको जोखिम घटाउन सरकारले काम गरिरहेको बताए। ‘हिमाल आरोहणको जोखिम घटाउन सरकारले दक्ष जनशक्ति तयार र आरोहणमार्गमा आवश्यक पूूर्वाधार तयार पारेका कारण सगरमाथा आरोहण गर्नेको सङ्ख्या बढेको हो,’ प्रधानमन्त्री ओलीले भने, ‘अन्नपूर्णलगायत हिमालका आधार शिविर जोड्ने पदमार्ग निर्माण र स्तरोन्नतिका कार्यक्रममा पनि सरकारको ध्यान गएको छ।’

बिएल संवाददाता

बिएल संवाददाता - म्याग्दी

वायुसेवा निगममा भएका भ्रष्टाचारविरुद्ध अख्तियारमा उजुरी दर्ता

राष्ट्रिय मातृभूमि पार्टीले नेपाल वायुसेवा निगममा भएको भ्रष्टाचारविरुद्ध कारबाहीको माग गर्दै अख्तियार दुरुपयोग अनुसन्धान आयोगमा उजुरी दर्ता गराएको छ। राष्ट्रिय मातृभूमि पार्टीका अध्यक्ष रामशरण पाण्डेको टोलीले अख्तियारमा उजुरी दर्ता गराएको हो। वर्षौदेखि भ्रष्टाचार मौलाउँदै गएको नेपाल वायुसेवा निगममा कुनै पनि अधिकारीहरू माथि कारवाही हुन नसको हुँदा भ्रष्टाचारीविरुद्ध उजुरी दर्ता गराउन बाध्य भएको पाण्डेले बताए।

बिएल संवाददाता

बिएल संवाददाता - काठमाडौं

पाण्डेलाई निलम्बन गरेर जोशीलाई निमित्त नगरप्रहरी प्रमुखको जिम्मेवारी

काठमाडौं महानगरपालिकाको निमित्त नगरप्रहरी प्रमुखको जिम्मेवारी नगरप्रहरी उपरीक्षक विष्णु प्रसाद जोशीले पाएका छन्। नगरप्रहरी प्रमुख राजु पाण्डेलाई जाँचबुझका लागि भन्दै ६ महिनाका लागि निलम्बन गरेपछि प्रमुख प्रशासकीय अधिकृत सरोज गुरागाईंले एसपी जोशीलाई निमित्त प्रमुखको जिम्मेवारी दिएका हुन्। गुरागाईंले आजै प्रहरी प्रमुख एसएसपी पाण्डेलाई निलम्बन गरेका थिए।

बिएल संवाददाता

बिएल संवाददाता - काठमाडौं

काठमाडौं नगरप्रहरी प्रमुख राजु पाण्डे ६ महिनाका लागि निलम्बित

काठमाडौं महानगरपालिकाका प्रमुख प्रशासकीय अधिकृत सरोज गुरागाईंले नगर प्रहरी प्रमुख राजु पाण्डेलाई ६ महिनाका लागि निलम्बन गरेका छन्। गत चैत २१ गते प्रशासकीय प्रमुख गुरागाईंलाई महानगर कार्यालय प्रवेश गर्ने क्रममा पाण्डे नेतृत्वको नगर प्रहरीले उनलाई अवरोध गरेको थियो। सोही घटनाको छानबिनका लागि पाण्डेलाई बढीमा ६ महिनाका लागि निलम्बन गरे गुरागाईंले जाँचबुझ समिति बनाएका हुन्। समितिले प्रतिवेदन नबुझाएसम्मका लागि आजैका मितिबाट पाण्डेलाई निलम्बन गरिएको गुरागाईंले जानकारी गराएका छन्।

बिएल संवाददाता

बिएल संवाददाता - काठमाडौं

मन्त्रीकै गुनासोः अख्तियारले पत्र काटेर दुःख दिँदा काम गर्न समस्या भयो

भौतिक पूर्वाधार तथा यातायात मन्त्री देवेन्द्र दाहालले आकस्मिक समयमा काम गर्नसक्ने कानुन भएपनि अख्तियारले पत्र काटेर दुःख दिँदा समस्या भएको बताएका छन्। मंगलबार बसेको पूर्वधार विकास समितिको बैठकमा उनले खराब नियत भएका मान्छेहरूका कारण काम गर्दा प्रश्न उठ्ने गरेको दाबी गरे। उनले भने, ‘सार्वजनिक खरिदमा समस्या पारेको छ। कानून नभएको होइन। कानूनमा स्पष्ट उल्लेख छ, आकस्मिक समयमा पनि काम गर्न सकिन्छ। सात दिनमा सूचना दिएर पनि काम गर्न सकिन्छ। तर यस्ता कामहरू गर्दा अख्तियारले पत्र काटेर दुःख दिने काम गरिरहेको छ।’

बिएल संवाददाता

बिएल संवाददाता - काठमाडौं

कालीमाटीमा नेपालभित्रै उत्पादित १७४ प्रकारका तरकारीमा विषादी परीक्षण, भेटियो यस्तो

काठमाडौंको कालीमाटी तरकारी बजारमा नेपालका विभिन्न ठाउँबाट भित्रिएका तरकारीमा विषादीको अवशेष मापदण्डभित्र रहेको पाइएको छ। महानगरपालिकाको कृषि तथा पशुपन्छी विभाग र खाद्य प्रविधि तथा गुण नियन्त्रण विभागको संयुक्त टोलीले घुम्ती खाद्य प्रयोगशाला (मोबाइल भ्यान) सहित सोमबार राती १० बजेदेखि विहान ३ बजेसम्म भित्रिँदा भित्रिँदै गरेका १७४ वटा नमूना लिएर स्थलगत परीक्षण गर्दा यो नतिजा प्राप्त भएको हो। खाद्य प्रविधि तथा गुण नियन्त्रण विभागका वरिष्ठ खाद्य अनुसन्धान अधिकृत डा. ईश्वर सुवेदी भन्छन्, ‘नेपालका करिब २० जिल्लाबाट भित्रिएका तरकारीको नमूना संकलन गरेर परीक्षण गर्दा विषादीको अवशेष मापदण्डभित्र रहेको भेटिएको हो।’

बिएल संवाददाता

बिएल संवाददाता - काठमाडौं

बस्दै नबसी स्थगित भयो प्रतिनिधि सभा बैठक…

मंगलबारका लागि तोकिएको प्रतिनिधिसभाको बैठक दुईपटक सूचना टाँस गर्दा पनि नबसी स्थगित भएको छ। भिजिट भिसा प्रकरणमा मुछिएका गृहमन्त्री रमेश लेखकको राजीनामा माग्दै प्रतिपक्षी दलहरूले बैठक अवरुद्ध गर्ने तयारी गरेपछि भोलि १ बजेसम्मका लागि सूचना टाँस गरेर बैठक स्थगित भएको हो। बिहान ११ बजे बस्ने भनिएको बैठक दिउँसो दुई बजेका लागि सारिएको थियो। तर प्रतिपक्षी दलहरूले राजीनामालाई नै बटमलाइन बनाएर सदनमा बोल्न दिने माग राखेपछि बैठक बस्न नसकेको हो।

बिएल संवाददाता

बिएल संवाददाता - काठमाडौं

गृहमन्त्रीलाई संसदमा बोल्न दिन विपक्षी दलहरू तयार!

संघीय संसदका प्रतिपक्षी दलहरू भिजिट भिसा प्रकरणमा मुछिएका गृहमन्त्री रमेश लेखकलाई सदनमा बोल्न दिन तयार भएका छन्। मंगलबार सदनको अवरोध खुलाउने विषयमा सभामुख र दलका प्रमुख सचेतकहरूको बैठक सकारात्मक रूपमा टुंगिएको छ। स्रोतका अनुसार गृहमन्त्रीको जवाफ चित्त बुझेमा सदनको अवरोध अन्त्य गर्न दलहरू सहमत भएका हुन्। यद्यपि गृहमन्त्रीलाई लामो समय बोल्नै नदिँदा असंसदीय व्यवहार देखिने र आलोचना हुने डरले विपक्षी दलहरू गृहमन्त्रीलाई बोल्न दिएपनि त्यसपछि राजीनामालाई बटमलाइन बनाएर अवरोध जारी राख्ने योजनामा रहेको बुझिएको छ।

बिएल संवाददाता

बिएल संवाददाता - काठमाडौं

विशेष कारण देखाउँदै प्रतिनिधि सभा बैठकको समय परिवर्तन

प्रतिनिधि सभाको बैठक बस्ने समय परिवर्तन भएको छ। मंगलबार बिहान ११ः०० बजे बस्ने गरी निर्धारण भएको प्रतिनिधि सभाको बैठक विशेष कारणले गर्दा आजै दिनको २ः०० बजे बस्नेगरी निर्धारण गरिएको संघीय सचिवालयका महासचिव पद्मप्रसाद पाण्डेयले जानकारी दिएका छन्। उनले बैठक निर्धारित समयमा वस्न नसक्ने भएकोले प्रतिनिधि सभा नियमावली, ०७९ को नियम ६ को उपनियम (२) को प्रतिबन्धात्मक वाक्यांश बमोजिम सभामुखले सभाको बैठक सारेको पनि जानकारी दिएका हुन्।

बिएल संवाददाता

बिएल संवाददाता - काठमाडौं

प्रतिपक्षी दलको बैठकः गृहमन्त्रीको राजीनामा नै ‘बटमलाइन’

प्रतिपक्षी दलको मंगलबार संघीय संसद भवनमा बसेको बैठकले गृहमन्त्री रमेश लेखकले राजीनामा दिएर भिजिट भिसा प्रकरणमा सहयोग गर्नुपर्ने निष्कर्ष निकालेको छ। प्रतिपक्षी दल माओवादी केन्द्र र राष्ट्रिय स्वतन्त्र पार्टीसहमतिका दलका नेताहरूले पहिलो चरणको बैठक सकिएको जानकारी दिँदै उक्त निष्कर्ष निकालेका हुन्। भिजिट भिसामार्फत मानव तस्करी प्रकरण र संघीय सदनको बैठकबारे माओवादी अध्यक्ष पुष्पकमल दाहाल प्रचण्डको संघीय सदनस्थित कार्यकक्षमा छलफल भएको थियो।

बिएल संवाददाता

बिएल संवाददाता - काठमाडौं

गोकुल बास्कोटाले अस्वीकार गरे ‘झोले’ बन्न, भनेः म एमाले कार्यकर्ता हुँ

सोमबारबाट एमाले नेता कार्यकर्ताहरूले आफूलाई झोले स्वीकार गर्दै म झोले हो अभियान जोडदार रुपमा चलाइरहेका छन्। शीर्ष नेतादेखि कार्यकर्ताहरूले सामाजिक सञ्जालमा म झोले हो भनिरहँदा सांसद गोकुल बास्कोटाले भने झोले अभियान बहिष्कार गरेका छन्। उनले सामाजिक सञ्जालमार्फत झोले अभियान प्रति असन्तुष्टि पोख्दै आफूलाई एमालेको कार्यकर्ता भएको र एमालेमा समाज बदल्ने क्रान्तिकारी सिद्धान्त भएको दाबी गरेका छन्।

बिएल संवाददाता

बिएल संवाददाता - काठमाडौं

सूर्य थापालाई भीम रावलको समर्थन, ओलीलाई काउन्टर गर्दै थापाले भनेका थिए यस्तो…

मातृभूमि जागरण अभियान नेपालका अध्यक्ष भीम रावलले नेपाली नोट पैसामा पृथ्वीनारायण शाह र गौतम बुद्धको तस्बिर राख्ने एमाले सांसद सूर्य थापाको प्रस्तावको समर्थन गरेका छन्। प्रधानमन्त्री केपी ओलीको पृथ्वीनारायण शाहलक्षित अपमानजनक टिप्पणीपछि पक्ष र विपक्षमा बहस भइरहेका बेला सूर्य थापाले संसदीय समितिमा यस्तो प्रस्ताव गरेका थिए।

बिएल संवाददाता

बिएल संवाददाता - काठमाडौं

प्रेस काउन्सिलमा एमाले र कांग्रेसको भागबण्डा

सत्तारुढ दलका प्रमुख एमाले र कांग्रेसले प्रेस काउन्सिलको रिक्त ६ सदस्य पदमा भागबण्डा गरेका छन्। एमाले निकट पत्रकारहरूको संगठन प्रेस चौतारी र कांग्रेस निकट प्रेस युनियनले बराबर तीन-तीन सदस्य भागबण्डा गरेका हुन्। सञ्चारमन्त्री पृथ्वीसुब्बा गुरूङले भागबण्डमा सिफारिस ६ जनालाई सदस्यमा नियुक्त गरेका हुन्। एमाले निकट पत्रकार संगठनबाट निमा काफले, भीमलाल श्रेष्ठ र शान्तराम विडारी नियुक्त भएका छन्। भने कांग्रेस निकट पत्रकार संगठनबाट नकुल अर्याल, बालकृष्ण अधिकारी र पदमराज जोशी सदस्यमा नियुक्त भएका छन्।

बिएल संवाददाता

बिएल संवाददाता - काठमाडौं

सिन्धुली पुगेर मन्त्री खड्काले भनेः प्रमाणबिना गृहमन्त्रीको राजीनामा माग्नु अव्यवहारिक

ऊर्जा, जलस्रोत तथा सिंचाईमन्त्री दिपक खड्काले विभिन्न स्तरबाट फैलाइँदै आएका अफवाह र कुप्रचारप्रति चिन्ता व्यक्त गर्दै ती भ्रममा नपरी देशको विकासमा समर्पित हुन आग्रह गरेका छन्। सुनकोशी मरिन ड्राइभर्सन बहुउद्देशीय आयोजनाको स्थलगत अवलोकन गर्न सिन्धुली पुगेका मन्त्री खड्काले जिल्लास्थित पार्टी कार्यालयमा नेता कार्यकर्ताहरूसँगको भेटमा देशको हालको राजनीतिक, सामाजिक अवस्था र विकास रणनीतिबारे आफ्नो धारणा व्यक्त गरेका हुन्। ‘देशमा केही पनि नभएको होइन, धेरै काम भएका भएका छन्। केहि हुँदैपनि छ। धेरै काम गर्न सकिन्छ र गर्नु पनि पर्छ। त्यसका लागि सकारात्मक सोच र काम गर्ने इच्छाशक्ति अपरिहार्य छ,’ मन्त्री खड्काले भने।

बिएल संवाददाता

बिएल संवाददाता - सिन्धुली

ओली-देउवासँग भेट्नुअघि प्रचण्डले किन भेटे माधव नेपाल?

प्रमुख तीन दलका शीर्ष नेताहरूबीचको छलफल सिंहदरबारमा जारी छ। यता प्रधानमन्त्री ओली र कांग्रेस सभापति देउवासँग छलफल गर्नुअघि माओवादी केन्द्रका अध्यक्ष प्रचण्डले नेकपा एसका अध्यक्ष माधवकुमार नेपालसँग छलफल गरेका थिए। माओवादी संसदीय दलको बैठकलगत्तै सिंहदरबारमा दुई नेताबीच छलफल भएको थियो। भेटमा माओवादी वरिष्ठ उपाध्यक्ष नारायणकाजी श्रेष्ठ र नेकपा एसका नेता प्रमेश हमाल पनि सहभागी थिए।

बिएल संवाददाता

बिएल संवाददाता - काठमाडौं

गृहमन्त्रीलाई ‘साक्षी’ राखेर सिंहदरबारमा शीर्ष नेताहरूबीच छलफल हुँदै

संसदमा देखिएको गतिरोध हटाउने विषयमा प्रधानमन्त्री केपी शर्मा ओलीको आव्हानमा प्रमुख दलका शीर्ष नेताहरूको छलफल जारी छ। प्रधानमन्त्री तथा मन्त्रिपरिषद्को कार्यालय, सिंहदरबारमा जारी छलफलमा प्रधानमन्त्री एवं नेकपा (एमाले)का अध्यक्ष ओली, नेपाली कांग्रेसका सभापति शेरबहादुर देउवा, नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ घनिभुत छलफलमा जुटेका छन्। छलफलमा कांग्रेसबाट पूर्णबहादुर खड्का, गृहमन्त्री रमेश लेखक, कृष्णप्रसाद सिटौला सहभागी छन्।

बिएल संवाददाता

बिएल संवाददाता - काठमाडौं

गृहमन्त्रीले राजीनामा नदिएसम्म संसद चल्न नदिने माओवादीको निर्णय

नेकपा (माओवादी केन्द्र)ले भिजिट भिसा प्रकरणमा गृहमन्त्री रमेश लेखकको राजीनामा नआएसम्म संसदको अवरोध कायमै राख्ने निर्णय गरेको छ। सोमबार संसदीय दलको कार्यालय सिंहदरबारमा बसेको बैठकले गृहमन्त्रीले नैतिकताको आधारमा राजीनामा दिनुपर्ने निष्कर्ष निकालेको उपमहासचिव वर्षमान पुनले बताए। उनले भने, ‘भोलिको संसदको अवरोध यथावत रहन्छ। गृहमन्त्रीले राजीनामा दिनुपर्छ भनेर विपक्षीले मात्रै भनिरहेको छैन। आम मिडिया र जनसमूदायले पनि भनिरहेको छ। भिजिट भिसा प्रकरणमा सेटिङ भएको छ। को संलग्न छ भन्ने कुरा त छानबिनले देखाउँछ। छानबिनको लागि उहाँले मार्गप्रशस्त गर्नुपर्छ भन्ने दलको निष्कर्ष छ।’

बिएल संवाददाता

बिएल संवाददाता - काठमाडौं

विपक्षीलाई ओलीको चेतावनीः संसद जसरी पनि चलाउँछौं

प्रधानमन्त्री एवं नेकपा (एमाले)का अध्यक्ष केपी शर्मा ओलीले गृहमन्त्री रमेश लेखकको राजीनामालाई अनावश्यक विषय बनाएर प्रतिपक्षले सदन अवरोध गर्नु लोकतन्त्र विपरीत भएको जिकिर गरेका छन्। सोमबार बानेश्वरमा बसेको एमाले संसदीय दलको बैठकलाई सम्बोधन गर्दै ओलीले मङ्गलबारदेखि संसदका नियमित गतिविधि सञ्चालन हुने दाबी गरे। ‘भोलिदेखि नियमित संसद चलाउँ भनेर मैले प्रमुख प्रतिपक्षी नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’जी कुरा गर्न खोजे तर उहाँ जानीजानी सम्पर्कमा आउनुभएन। वार्ता, संवाद नगर्ने अनि सदन बन्द गर्ने मुडमा उहाँहरू हुनुहुन्छ होला। यस्तो व्यवहार सँधै चल्दैन। संसद यस्ता नचाइने कुरामा सँधै बन्द हुँदैन्,’ प्रधानमन्त्री ओलीले भने, ‘केही विषय नपाएर गृहमन्त्रीको राजीनामा मागिएको छ, जबकि गृहमन्त्रीमाथि कुनै उजुरी वा छानबिन चलेको छैन। त्यसकारण यस्ता कुरामा संसद अवरुद्ध हुँदैन। माननीयज्यूहरू तयार भएर बस्नुस्। भोलिदेखि सदन चल्छ।’

बिएल संवाददाता

बिएल संवाददाता - काठमाडौं

यातायात बन्दमा पनि साझा यातायातको सेवा ‘निरन्तर’, पुलिसले सघाउँदै

यातायात व्यवसायीहरूले देशभरको यातायात सेवा ठप्प बनाउँदा काठमाडौं उपत्यकामा साझा यातायातले २१ वटा बसमार्फत नियमित रुपमा सेवा प्रदान गरिरहेको छ। सोमबार सार्वजनिक यातायात बचाउ केन्द्रीय संघर्ष समितिले सबै सार्वजनिक सवारी साधन बन्द गरेको अवस्थामा पनि साझा यातायातले एयरपोर्ट, बानेश्वर, रत्नपार्क, नागढुंगा, लगनखेल, नयाँ बसपार्क र लगनखेल नारायणथानको रुटमा नियमित रुपमा सेवा प्रदान गरिरहेको छ। साथै, नेपाल प्रहरीले पनि निःशुल्क बस सेवा उपलब्ध गराएको छ। नेपाल प्रहरीले निःशुल्क बस सेवा उपलब्ध गराएको रुट नम्बर १ नयाँ बसपार्क, बालाजु, स्वयम्भू, कलंकी, बल्खु, सातदोबाटो, लगनखेल, जावलाखेल, थापाथली, माइतीघर, पुल्चोक, नयाँ बानेश्वर, बालुवाटार, शिक्षण अस्पताल, चक्रपथ रहेको छ।

बिएल संवाददाता

बिएल संवाददाता - काठमाडौं

ट्रेन्डिङ