पचासभन्दा धेरै वकिल लगेर विशेष अदालत जाँदै माधव नेपाल
एकीकृत समाजवादीका अध्यक्ष तथा पूर्वप्रधानमन्त्री माधव नेपाल आज विशेष अदालतलमा उपस्थित हुँदैछन्। पचासजनाभन्दा धेरै वकिलहरूसहित अदालत जान लागेका नेपालका हकमा आजै थुनछेक बहस हुने पनि बताइएको ५। यद्यपि उनीविरुद्ध दायर भएको भ्रष्टाचार मुद्दा विशेष अदालतले तामेली गरिसकेको छैन। तर उनका वकिलहरूले त्यसअघि नै अदालतमा उपस्थित हुन पाउँ भनेर निवेदन दिएका थिए। र अदालतले अनुमति दिएको थियो। अख्तियार दुरुपयोग अनुसन्धान आयोगले केही दिनअघि नेपालसहित पतञ्जली जग्गा हिनामिना प्रकरणमा जोडिएका प्रतिवादीहरूविरुद्ध विशेष अदालतमा मुद्दा दायर गरेसँगै उनको सांसद पद स्वतः निलम्बन भइसकेको छ। अख्तियारले नेपालसहित ९३ जनालाई उक्त जग्गा प्रकरणमा दोषी रहेको भन्दै मुद्दा दायर गरेको छ।
बिएल संवाददाता - काठमाडौं
