इरानसँग अमेरिका झुक्यो कि, इजरायल थाक्यो?
‘इजरायल र इरान दुबै लगभग एकैसाथ मकहाँ आएर शान्तिका लागि अपिल गरे। मलाई थाहा थियो कि अब शान्तिको समय आइसकेको छ। दुनियाँ अनि मध्यपूर्व नै असली बिजेता हुन्’ ट्रम्पले सामाजिक सञ्जालमा लेखेका छन् ‘दुबै देशले भविष्यमा प्रेम, सद्भाव, शान्ति र समृद्धि देख्न पाउनेछन्। उनीहरूलाई अझ धेरै कुराहरू हासिल गर्नुछ। तर उनीहरू यो सत्यको बाटोबाट भड्किन खोजे भने उनीहरूले त्यो भन्दा पनि अझ धेरै गुमाउनुपर्ने हुन्छ।’ यद्यपि ट्रम्पको यो भाषालाई भने इरानले अस्वीकार गरेको छ र अमेरिकी बेसक्याम्पहरूमा आक्रमण गरेपछि ट्रम्पले इरानसँग ‘बिन्ती’ गरेको उल्लेख गरेको छ। इरान सरकारको एउटा बक्तब्य सार्वजनिक गर्दै इरानको सरकारी टेलिभिजनले अमेरिकी सैन्य बेस क्याम्पहरूमाथि आक्रमण सफल भएको दाबी पनि गरेको छ।
बिएल संवाददाता - काठमाडौं
