निरन्तर पहिरोले अवरुद्ध भएको कालीगणडकी करिडोर एकतर्फी रुपमा सञ्चालनमा आएको छ। शुक्रबारदेखि जिल्लाको कालीगण्डकी गाउँपालिका-१ गरगरे स्थित करिडोर सडक माथिबाट पहिरो आएर पूर्णरूपमा अवरुद्ध भएको थियो।
बिएल संवाददाता - गुल्मी
काठमाडौं उपत्यकासहित देशका केही ठाउँमा राति ठूलो पानी परेको छ। तर, अहिले भने काठमाडौंमा अहिले पानी पर्न रोकिएको छ। मध्यरातको वर्षाले काठमाडौंको विष्णुमती, बागमती र धोबीखोलामा बाढी आए पनि अहिले घटेको छ।
बिएल संवाददाता - काठमाडौँ
प्रधानमन्त्री केपी शर्मा ओलीले गायक तथा मोडल दुर्गेश थापालाई बधाई दिएका छन्। थापाले पाँच महिनाअघि सार्वजनिक गरेको गीत ‘दुश्मन हेरेको हेर्यै’को लोकप्रियतालाई हेरेर प्रधानमन्त्री ओलीले गायक थापालाई बधाई दिएका हुन्। सामाजिक सञ्जालमा गायक थापाको गीतको कभर फोटो राखेर उनले नयाँ पुस्ताले बेग्लै स्वादका गीतहरू रुचाउन थालेको पनि बताएका छन्। गीत सार्वजनिक भएको पाँच महिनामै यो गीतले युट्यूवमा १० करोड भ्यूज बटुलिसकेको छ। ‘आजको नयाँ पिँढीले बेग्लै स्वादका गीत/ संगीतमा रुचि देखाउन थालेको 'दुश्मन हेरेको हेर्यै' गीतको भ्युवरबाट थाहा हुन्छ’ प्रधानमन्त्री ओलीले भनेका छन् ‘दुर्गेश थापाको यो गीत सुन्नेको संख्या पाँच महिनामा १०० मिलियन (१० करोड) पुगेको छ। गीतका सर्जक दुर्गेश थापालाई बधाई!’
बिएल संवाददाता - काठमाडौं
रामेछापको मन्थली नगरपालिका-६ को कुनउरीबाट वडा नं ७ भटौली ठेडिखोला जोड्ने तामाकोशी नदीमाथि निर्माण भइरहेको पक्की पुल सम्पन्न नहुँदै भत्किएको छ। आइतबार बिहान पुलको निर्माणाधीन एउटा स्पानको स्ल्याब पुरै खसेको छ। स्ल्याब यसअघि गत बैशाख २६ गते क्रयाक भएको थियो। त्यसपछि निर्माण कम्पनीले सो भागलाई टाल्ने काम गरिरहेको अवस्थामा आइतबार बिहान स्ल्याब पुरै भाँचिएर भुईंमा झरेको स्थानीय पाण्डव प्रसाईंले बताए।
बिएल संवाददाता - रामेछाप
स्वतन्त्र सांसद अमरेश कुमार सिंहले ‘नेपाललाई लिजमा अर्को देशलाई दिऊँ’ भनेर अभिव्यक्ति दिएपछि प्रतिनिधि सभा बैठकमा लफडा भएको छ। सांसद सिंहले आपत्तिजनक र राष्ट्रघाती अभिव्यक्ति दिएको भन्दै एमाले प्रमुख सचेतक महेश बर्तौलाले आपत्ति जनाए। त्यसपछि सत्तापक्षका अन्य सांसद समेत उठेर विरोध गरेका हुन्।
बिएल संवाददाता - काठमाडाैं
पीडितहरूलाई विभिन्न जिल्लाबाट झुक्याएर भारत पुर्याई बन्धक बनाइएकै अवस्थामा कुटपिट, यातना र आर्थिक शोषण गरिएको थियो। पीडित मध्येका इलामको महमाइ–८ का सौगात काफ्लेका अनुसार एकजना विरेन्द्र शाही भन्ने ब्यक्तिले आफ्नो अंकलको फेक आइडी बनाएर महिनाको ३८ हजार दिन्छु भनेर काशिपुरमा ल्याएर फसाएको बताए।
बिएल संवाददाता - काठमाडाैं
आजको बैठकमा युवा तथा खेलकुद, महिला बालबालिका तथा ज्येष्ठ नागरिक, अर्थ, सहरी विकास मन्त्रालय र प्रधानमन्त्री तथा मन्त्रिपरिषद् कार्यालय, राष्ट्रिय योजना आयोगको सचिवालय, राष्ट्रपति कार्यालय एवं उपराष्ट्रपति कार्यालयको विनियोजनमाथिको छलफल हुनेछ। यस्तै, सांसदहरूले राखेको खर्च कटौतीको प्रस्तावसमेत पेस हुनेछ।
बिएल संवाददाता - काठमाडाैं
पछिल्लो समय नेपालबाट यार्सा गुम्बा निर्यात घट्दै गएको भन्सार विभागको तथ्यांकले देखाएको छ। विभागका अनुसार गत आर्थिक वर्ष (आव) २०८०–८१ को ११ महिनामा नेपालबाट ६४ करोड २२ लाख ७८ हजार रुपैयाँको १ हजार ३१३ किलो यार्सा गुम्बा निर्यात भएको थियो।
बिएल संवाददाता - काठमाडाैं
यो आक्रमणपछि ट्रम्पले राष्ट्रका नाममा सम्बोधन पनि गरेका छन्। त्यो सम्बोधनमा उनले इरानका सबै प्रमुख आणविक केन्द्रहरू पूर्णरुपमा ध्वस्त भइसकेको भन्दै ‘अब शान्तिको बाटोमा आउन’ इरानलाई फेरि चेतावनी दिएका छन्। ‘अझ पनि इरान त्यसका लागि तयार भएन भने भविष्यमा अझ भयानक आक्रमणको सामना गर्नुपर्नेछ’ ट्रम्पले भनेका छन्। उनले इजरायाली प्रधानमन्त्री बेन्जमिन नेतन्याहूलाई पनि बधाई दिएका छन्। अनि इजरायलको यो भयानक खतरा टाल्नका लागि अमेरिकाले साथै काम गरेको पनि बताएका छन्।
बिएल संवाददाता - काठमाडौं
शुक्रबारदेखि अवरुद्ध कालीगण्डकी करिडोर आज पनि खुलाउन सकिएको छैन। कालीगण्डकी गाउँपालिका-१ हर्मीचौर-अर्बेनीमा सुक्खा पहिरो निरन्तर खसेपछि करिडोर पूर्ण रूपमा अवरुद्ध भएको जिल्ला प्रहरी कार्यालय गुल्मीले जनाएको छ। प्रहरीका अनुसार सडक तत्काल सञ्चालन हुने अवस्था छैन। यात्रुहरूलाई वैकल्पिक मार्ग प्रयोग गर्न आग्रह गरिएको छ।
बिएल संवाददाता - गुल्मी
पाँच बुँदे साझा संकल्प पत्र जारी गर्दै ‘जलवायु परिवर्तन सम्बन्धी च्छोरोल्पा संवाद’ शनिबार समापन भएको छ। बिहीबारदेखि दोलखाको सिङ्गटीमा बागमती प्रदेश सरकारको आयोजनामा सुरु भएको ‘गौरीशंकरको रक्षा हिमालदेखि तराईसम्मको सुरक्षा’ विषयक जलवायु परिवर्तनसम्बन्धी च्छोरोल्पा संवाद शनिबार समापन भएको हो।
बिएल संवाददाता - दोलखा
सर्लाहीमा सडक बिस्तारको विषयमा विवाद हुँदा दुई पक्षबीच झडप भएको छ । झडपमा प्रहरी निरीक्षक (इन्स्पेक्टर) सहित १० जना घाइते भएका छन भने प्रहरीले एक राउण्ड हवाई फायर समेत गरेको छ। आफ्नो जग्गा बढी मिचिएको भन्दै गएको बिहीबार एक जना महिला बरहथवा नगरपालिका–४ खैराटोलमा ढलान भइरहेको सडकमा आएर बिरोध गरेपछि गाउँलेले हटाएका थिए।
बिएल संवाददाता - सर्लाही
पूर्वपश्चिम राजमार्गअन्तर्गत राप्ती नगरपालिकाको खहरे पुलमा यात्रुवाहक बस र ईभी गाडी एकआसपमा जुध्दा सात जनाको मृत्यु भएको छ। दुर्घटनामा अन्य १८ जना घाइते भएका छन्। धनगढीबाट काँकडभिट्टातर्फ गइरहेको प्रदेश१-०१-००१ख ३५८३ नब्बरको यात्रुवाहक बस र मकवानपुरबाट नारायणगढ आइरहेको बागमती प्रदेश ०३-००१ज २९९ नम्बरको विद्युतीय गाडि एकआपसमा ठोक्किएका चितवन प्रहरी प्रमुख गोविन्द पुरीले बताए।
बिएल संवाददाता - चितवन
झापाको मेचीनगर नगरपालिका-६ स्थित काँकरभिट्टा बसपार्कबाट एक भारतीय नागरिकलाई अवैध हतियारसहित प्रहरीले पक्राउ गरेको छ। पक्राउ परेका व्यक्ति भारत पश्चिम बंगाल, सिलिगुढी निवासी ३५ वर्षीय जयप्रकाश कुमार पाठक हुन्। विशेष सूचनाको आधारमा इलाका प्रहरी कार्यालय काँकरभिट्टाबाट खटिएको टोलीले उनलाई नियन्त्रणमा लिएको हो।
बिएल संवाददाता - काठमाडौं
इरानबाट फर्किन चाहने नेपाली नागरिकलाई भारत सरकारले उद्धारका लागि सहयोग गर्ने भएको छ। इरानस्थित भारतीय दूतावासले यसबारे जानकारी दिँदै छिमेकी राष्ट्रका नागरिकलाई उद्धारका लागि सहयोग गर्ने जनाएको हो। दूतावासले नेपालसँगै श्रीलङ्काका नागरिकको पनि उद्धार गर्ने जनाएको छ। ‘नेपाल तथा श्रीलङ्काको सरकारको अनुरोधअनुसार इरानमा फसेका नेपाली तथा श्रीलङ्काका नागरिकलाई यहाँबाट निकाल्नका लागि भारतले सहयोग गर्नेछ’ दूतावासले एउटा सूचनामा भनेको छ।
बिएल संवाददाता - काठमाडौं
‘प्रतिवेदनले कम्पनी कानूनअनुसार भन्दा–भन्दै सरकारले मलाई कतै आकर्षित नहुने सहकारी ऐनको दफा प्रयोग गर्नु र झुटा मुद्दा लगाउनु राजनीतिक पूर्वाग्रह र प्रतिशोध नभएर के हो त’ उनले भनेका छन् ‘म मारिएछु भने पनि जनताले यिनीहरुका हातबाट तस्करले दिएका घडी खोस्नेछन् र हतकडी लगाउनेछन्। त्यो दिन धेरै टाढा छैन। यत्ति भनिसकेपछि अब मैले झन् यस बापत कत्रो मूल्य चुकाउनुपर्ने होला, त्यसको हिसाब पनि छैन र मलाई परवाह पनि छैन।’
बिएल संवाददाता - काठमाडौं
‘इरान सधै कुटनीतिक संवादमा विश्वास गर्दछ’ फरहानीले भनेका छन् ‘त्यो प्रत्यक्ष होस् वा अप्रत्यक्ष त्यो महत्वपूर्ण कुरा होइन। महत्वपूर्ण कुरा त यो बेला ट्रम्पले इजरायललाई युद्ध रोक्न एक आदेश दिएमात्रै पनि फेरि नयाँ सुरुवात गर्न सकिन्छ। त्यसका लागि ट्रम्पको एक फोन कल मात्रै पनि काफी हुन्छ।’ तर इजरायलसँग अहिले नै सिधा वार्ताको प्रस्तावलाई भने इरानले अस्वीकार गरिसकेको छ।
बिएल संवाददाता - काठमाडौं
जिल्ला प्रशासन कार्यालय सिन्धुलीले बीपी राजमार्गमा रात्रिकालीन समयमा सवारीसाधन सञ्चालनमा रोक लगाएको छ। मनसुनजन्य विपद्को जोखिमलाई मध्यनजर गर्दै आजदेखि १५ दिनका लागि यो निर्णय लागू गरिएको हो।
बिएल संवाददाता - काठमाडौँ
हाल देशभर मनसुनी वायुको प्रभाव रहेको मौसम पूर्वानुमान महाशाखाले जनाएको छ। जसको प्रभावले देशभर आंशिक देखि साधरणतया बदली रहेको छ। बागमती, गण्डकी, लुम्बिनी र सुदूरपश्चिम प्रदेशका थोरै र बाँकी प्रदेशका एक–दुई स्थानमा चट्याङसहित हल्कादेखि मध्यम वर्षा भइरहेको छ।
बिएल संवाददाता - काठमाडौँ
विशेष अदालतका अध्यक्ष विशेष अदालतका अध्यक्ष टेकनारायण कुँवर र सदस्य रामबहादुर थापाको इजलासले बस्नेतलाई दोषी ठहर गरेको हो। उनलाई घुस दिने पद्मा कोलोनीका मालिक राजु कँडेल पनि दोषी ठहर भएका छन्। उनीहरूलाई सजाय तोक्नका लागि आगामी असार १६ गते अर्को पेशी तोकिएको छ। बस्नेतकी श्रीमतीलाई भने विशेष अदालतले सफाइ दिएको छ।
बिएल संवाददाता - काठमाडौं
