अब नेपालले ११४ रन बनाएमा यो कप उचाल्नेछ। फाइनल खेलमा नेपालका अभय यादवले ३ विकेट लिए। उनका १० ओभरमा सिङ्गापुरले जम्मा ३४ रन जोड्न सक्यो। त्यस्तै सुशील बहादुर रावलले पनि ३ विकेट लिए भने शुभम खनाले २ र विपिन शर्माले १ विकेट लिए।
बिएल संवाददाता - काठमाडाैं
प्राधिकरणबाट बाहिर आएपछि आफुपनि सर्वसाधारण नागरिक सरह भएको बताउँदै उनले आगामी दिनमा कुन क्षेत्रमा रहेर मुलुकलाई योगदान दिने भन्ने बारेमा छलफलमा रहेकाले त्यो क्षेत्र राजनीति पनि हुनसक्ने उनले बताएका हुन्। ‘जनताका समस्या सम्बोधन गर्न राम्रो लिडरसिप जरुरी छ। देशको समग्र अर्थतन्त्रलाई कसरी सुधार गर्न सकिन्छ भन्ने कुरा गर्दा त्यो क्षेत्र राजनीति पनि हुनसक्छ। तर, कसरी अघि बढ्ने भन्ने विषयमा हामी छलफल गरेर अघि बढ्छौं,’ घिसिङले भने।
बिएल संवाददाता - काठमाडाैं
अमेरिकाको प्रत्यक्ष सहभागितामा तयार पारिएको युद्धबिराम प्रस्तावलाई यसअघि नै इजरायलले स्वीकार गरिसकेको थियो। त्यसपछि अमेरिकी राष्ट्रपति डोनाल्ड ट्रम्पले हमाससँग कुराकानी अघि बढाउनका लागि मध्यस्थकर्ताका रुपमा बिशारा वाहवाहलाई खटाएका थिए। प्यालेस्टाइन-अमेरिकी संवादको मध्यस्थता उनैले गर्दै आएका छन्। ‘विश्वकै लागि यो एउटा अत्यासलाग्दो युद्ध अन्त्य गर्ने दिशामा हामी एकदमै नजिक पुगेका छौं’ हमासको प्रतिक्रियापछि बिशाराले भनेका छन्।
बिएल संवाददाता - काठमाडाैं
अमेरिकाको टेक्सास राज्यमा भीषण बाढी पसेको छ। त्यसमा परेर अहिलेसम्म १३ जना मानिसको ज्यान गएको पुष्टी भएको छ। बाढीका कारण कम्तीमा २० जनाभन्दा बढी बालबालिकाहरू वेपत्ता भएका छन्। उनीहरू एउटा क्रिश्चियन क्याम्पमा थिए। अहिले मानिसहरुको उद्धार, राहत र खोजी कार्यका लागि ब्यापक सुरक्षा तथा उद्धारकर्मीहरू परिचालन गरिएको छ। हेलिकोप्टरसहित कम्तीमा दर्जन टोली खोजी र उद्धार कार्यमा खटिएका छन्। टेक्सासका लेफ्टिनेन्ट गभर्नर ड्यान प्याट्रिकका अनुसार बाढी ठूलो र अप्रत्याशित भएका कारण मृत्यु हुने र हराउनको संख्या अझै बढ्नसक्छ।
बिएल संवाददाता - काठमाडाैं
बजेट प्रस्तुत भएको २० दिनसम्म भएको विरोध, विवाद र रस्साकस्सीका बीच कर्णालीको बजेट पारित भएको छ। शुक्रबार मध्यरातमा सरकारले ल्याएको बजेट कर्णाली प्रदेशसभाले पारित गरेको हो। कर्णाली प्रदेशसभाको छैठौं अधिवेशनको २५ औं बैठकमा सभामुख नन्दा गुरुङले सरकारले आर्थिक मामिला तथा योजना मन्त्री राजिव बिक्रम शाहले कर्णाली प्रदेश सभामा कर्णाली प्रदेश विनियोजन विधेयक र आर्थिक विधेयक २०८२ लाई पारित गरियोस् भनी गरेको प्रस्ताव सर्वसम्मत पारित भएको घोषणा गरिन्।
बिएल संवाददाता - काठमाडाैं
सन् २०२१ तालिबान सरकार गठन भएपछि सबैजसो राष्ट्रहरूले आफ्ना दूतावास त्यहाँबाट हटाएका थिए। तर रुस भने फर्किएको थिएन। यसअघि सन् २०२२ मा तालिबानसँग अन्तर्राष्ट्रिय आर्थिक सम्झौता गर्ने पहिलो राष्ट्र पनि रुस नै थियो। त्यसपछि गत अप्रिलमै रुसले तालिबानलाई आतंकवादी सूचीबाट पनि हटाएको थियो। र त्यो बेला रुसका राष्ट्रपति भ्लादिमिर पुटिनले आतंकवादविरुद्धको लडाईंमा तालिबान एक सहयोगी बन्ने बताएका थिए।
बिएल संवाददाता - काठमाडाैं
ट्रम्पले यसलाई अमेरिकी ‘स्वतन्त्रता दिवसको सबैभन्दा महत्वपूर्ण र ऐतिहासिक उपहार’ भनेका छन्। त्यो विधेयक पारित गर्न जुलाई ४ का लागि ट्रम्पले अन्तिम समय दिएका थिए। जुलाई ४ अमेरिकी स्वतन्त्रता दिवस पनि हो। निकै रस्साकस्सी र विवादका बीच यो विधेकका पक्षमा २१८ र विपक्षमा २१४ मत परेको थियो। आफ्नो कार्यकालका लागि ट्रम्पले यसलाई निकै महत्वपूर्ण जिते ठानेका छन्। यो विधेयक लागु भएसँगै आगामी १० वर्षमा अमेरिकाको वित्तीय घाटामा थप ३३ अर्ब डलरभन्दा धेरै भार पर्ने र दशौं लाख मानिसहरू स्वास्थ्य बिमाबाट वञ्चित हुनसक्ने अनुमानअनुसार यो विधेयकको आलोचना भएको थियो। तर ह्वाइट हाउसले भने त्यसलाई अस्वीकार गरेको छ।
बिएल संवाददाता - काठमाडाैं
धनुषामा सिमापार तस्करहरू र सशस्त्र प्रहरीबीच भीडन्त भएको छ। बिहीबार साँझ ७ बजेतिर गस्तीमा रहेको प्रहरी टोलीमाथि तस्करहरूले आक्रमण गर्दा ६ जना सशस्त्र प्रहरी घाइते भएङ्का छन्। तस्करीका सामानहरू बगैचामा लुकाएको खबर पाएपछि सशस्त्र प्रहरीको टोली वैदेही नगरपालिकासँग जोडिएको भारतीय सिमाना नजिकै पुगेको थियो।
बिएल संवाददाता - काठमाडाैं
अपराह्न ३ः४५ बजे प्रधानमन्त्री ओली त्रिभुवन अन्तरर्राष्ट्रिय विमानस्थलमा पुग्ने जनाइएको छ । नेपाली प्रतिनिधिमण्डलको नेतृत्व गर्दै प्रधानमन्त्री ओली यही असार १४ गते शनिबार स्पेन प्रस्थान गरेका थिए। स्पेनमा रहँदा प्रधानमन्त्री ओली र संयुक्त राष्ट्रसङ्घका महासचिव एन्टेनियो गुटेरसबीच भेटवार्ता भएको थियो । यस्तै, स्पेन सरकारका अध्यक्ष (प्रधानमन्त्री) पेड्रो साञ्चेजबीच पनि दुईपक्षीय भेटवार्ता भएको थियो ।
बिएल संवाददाता - काठमाडाैं
हाल देशभर मनसुनी वायुको प्रभाव रहेको मौसम पूर्वानुमान महाशाखाले जनाएको छ। मनसुनको न्यून चापीय रेखा सरदर स्थानको आसपास रहेको छ।
बिएल संवाददाता - काठमाडौँ
राप्रपाले रुपन्देहीको क्षेत्र–३ मा हुने उपनिर्वाचनका लागि आवश्यक तयारी थालेको छ। बिहीबार पार्टी कार्यालय धुम्बाराहीमा बसेको केन्द्रीय कार्यसम्पादन समितिको बैठकले निर्वाचनको आवश्यक प्रक्रिया र तयारी थालेकाे प्रवक्ता मोहन श्रेष्ठले जानकारी दिए।
बिएल संवाददाता - काठमाडाैं
गायिका एलिना चौहानलाई फेसबुकमा गाली गर्ने एकजना ‘कवि’लाई प्रहरीले पक्राउ गरेको छ। नेपाल प्रहरीको साइबर ब्यूरोले चितवनका साहित्यकार गुञ्जन राईलाई पक्राउ गरेको हो। केही दिनअघि गायिका चौहानले साइबर ब्यूरोमा उजुरी दिएकी थिइन्।
बिएल संवाददाता - काठमाडाैं
यो दिनलाई अमेरिकी राष्ट्रपति डोनाल्ड ट्रम्पले इतिहासकै सबैभन्दा भव्य बनाउने घोषणा गरिसकेका छन्। सुरक्षा अधिकारीहरूले स्वतन्त्रता दिवस मनाउनका लागि आयोजना भएका समारोहमा एकल वा सामूहिक आतंकवादी आक्रमण हुनसक्ने सूचना पाएको बताएका छन्। त्यस्तो सम्भावित जोखिमलाई ध्यान दिँदै सबै सुरक्षा निकाय उच्च तयारीमा रहेको र कुनै पनि आक्रमणलाई निस्तेज पारिदिने पनि उनीहरूले जनाएका छन्।
बिएल संवाददाता - काठमाडाैं
निजी तथा आवासीय विद्यालय अर्गनाइजेशन नेपाल (प्याब्सन) र नेपाल विद्यालय खेलकुद महासङ्घबीच विद्यालयहरूमा खेलकुद कार्यक्रमहरूको प्रवद्र्धन तथा अभिवृद्धिमा सहकार्य गर्ने उद्देश्यले सम्झौता पत्रमा हस्ताक्षर भएको छ।
बिएल संवाददाता - काठमाडाैं
‘केही शक्तिशाली पदाधिकारीहरुले मिडियामा स्पष्टीकरण सोध्नुभएको रहेछ, मलाई त सोधिएको छैन,’ झाँक्रीले भनिन्, ‘टेलिभिजनमा स्पष्टीकरण सोधिन्छ, पार्टीबाट निकालिन्छ भन्ने सुनेको थिएँ, मैले बोलेको कन्टेनको हिसावले। १५ गते यसबारे कुनै क्रिया, प्रतिक्रिया नदिनु भनेर निर्देशन पनि जारी गरेको थियो।’
बिएल संवाददाता - काठमाडाैं
संघीय संसदअन्तर्गत महिला तथा सामाजिक मामिला समितिको बिहीबार बसेको ६० औँ बैठकमा मानव बेचबिखन तथा ओसारपोसारसम्बन्धी कानुन कार्यान्वयन र चुनौतीका विषयमा छलफल भएको छ।
बिएल संवाददाता - काठमाडाैं
नेपाल एसिसी मेन्स यु–१६ इस्ट जोन कप क्रिकेटको फाइनल पुगेको छ। जारी प्रतियोगिताअन्तर्गत बिहीबार भएको सेमिफाइनल खेलमा नेपालले मलेसियालाई नौ विकेटले हराएर फाइनलमा पुगेको हो। मलेसियाले दिएको ९१ रनको लक्ष्य नेपालले १४.४ ओभरमै भेटाएको थियो। त्यसक्रममा नेपालको एक विकेटको क्षति भयो।
बिएल संवाददाता - काठमाडाैं
बारामा रहेको जगदम्बा स्टिल उद्योगको फलाम पगाल्ने भट्टी विस्फोट हुँदा एक जना घाइते भएका छन्। भारतको सितामढी निवासी ३५ वर्षीय क्रेन चालक अशोक बैठा विस्फोटमा परी घाइते भएका हुन्।
बिएल संवाददाता - बारा
कांग्रेस सभापति शेरबहादुर देउवा पुत्र जयविरलाई जोडेर रिपोर्ट प्रशारण गरेको आरोपमा उनीविरुद्ध जिल्ला अदालतबाट साइबर अपराध मुद्दामा पक्राउ पुर्जी जारी भएको थियो। उच्चले जिल्लाको आदेश कार्यान्वयन नगर्न अल्पकालिन आदेश दिएपनि ब्यूरोले भने पाठकविरूद्ध जेठ २७ मा काठमाडौं जिल्ला अदालतबाट पक्राउ अनुमति आएको सूचना जारी गरेको हो। अहिले भने प्रहरीले पक्राउ नगरेरै उनीविरुद्ध मुद्दा दायर गरेकाे हाे।
बिएल संवाददाता - काठमाडाैं
अमेरिकी राष्ट्रपति डोनाल्ड ट्रम्पले अमेरिकाको संघीय रिजर्व बैंकका प्रमुख जेरोम पावेललाई तत्काल राजीनामा दिन भनेका छन्। आफ्नो सामाजिक सञ्जाल ट्रुथमार्फत उनले ‘टू लेट्’ भन्दै पावेललाई ‘तत्कलै राजीनामा दिनुपर्ने’ बताएका छन्। यो अमेरिकी बैंकिङ नीति बनाउने केन्द्रीय बैंकिङ प्रणाली हो। यसअघि पहिलो कार्यकालका बेला ट्रम्प आफैले उनलाई नियुक्त गरेका थिए। ट्रम्पले पटक पटक ब्याजदर कतौती गर्न आग्रह गर्दा पनि पावेलले त्यसलाई वेवास्ता गर्दै आएका छन्।
बिएल संवाददाता - काठमाडाैं
