BreakNLinks

मङ्गलबार, २८ अप्रिल २०२६

ब्लग/ रिभ्यू

तीनकुने घटनाको मूल जिम्मेवार ज्ञानेन्द्र शाह

आपराधिक घटनमा संलग्न कसैले पनि उन्मुक्ति पाउँदैन, पाउनु हुन्न। यसमा पूर्व राजा शाहले पनि उन्मुक्ति पाउनु हुन्न। फेरि राजा बन्छु, व्यवस्था मास्छु भन्नेले यी सबै शृब्खलाबद्ध घटनामा आफ्नो धारणा सार्वजनिक गर्नुपर्दैन ? मानिसलाई मर्नलाई दुरुत्साहन गर्ने जनकमाण्डर, इतिहासले कुनामा फ्याँकेका व्यक्ति अभियानका संयोजक, धनजनको क्षति र लुटापाट– शासक बन्ने मनसुवा बोक्ने व्यक्ति सिरकभित्र चुपचाप कसरी हुन सक्छ ?

बिएल संवाददाता

बिएल संवाददाता - काठमाडाैं

कुलमानलाई हटाएकोमा ओलीको जवाफ- ‘मन्त्रीलाई नटेर्ने कर्मचारी हट्छन्’

प्रधानमन्त्री केपी शर्मा ओलीले सरकारले कर्मचारी हटाउने र नयाँ जिम्मेवारी दिने प्रक्रिया सामान्य भएको दाबी गरेका छन्। सोमबार प्रतिनिधिसभाको बैठकमा बोल्दै ओलीले एकजना कर्मचारीको विषयमा प्रश्न उठाएर सदन अबरुद्ध गरी महत्वपूर्ण संसदीय कार्यमा बाधा पुग्न नहुने बताए। उनले  भने, ‘केही दिनयता संसद अबरुद्ध छ। सुशासन र त्यसमा कम्प्रमाइज भएका विषयमा प्रश्न उठ्नु स्वभाविक छ। सरकारका कामकारबाहीप्रति प्रश्न उठाउने वा समर्थन गर्ने स्थल नै यस सम्मानित सदन हो। तर अहिले विषय सामान्य छ, एकजना कर्मचारीको विषयमा प्रश्न उठेको छ। सदन अबरुद्ध छ, महत्वपूर्ण संसदीय कार्यमा बाधा पुगेको छ। मन्त्रीप्रति लोयल्टी नभएको कर्मचारीसँग मन्त्रीले सहकार्य गर्न सहज मानेन भने हट्छ, यो स्वाभाविक प्रक्रिया हो, देशका महत्त्वपूर्ण विषयमा छलफल गरेर निर्णय गरेर अघि बढ्नुपर्ने समयमा एउटा सामान्य कर्मचारीको विषयमा संसद् अल्झनु हुन्न।’

बिएल संवाददाता

बिएल संवाददाता - काठमाडौं

गणतन्त्रवादीहरूलाई चेतावनी दिने छुट राजावादीलाई छैनः महेश बर्तौला

नेकपा एमालेका सांसद महेश बर्तौलाले ‘राजावादी हुँ’ भन्दैमा गणतन्त्रवादीहरूलाई वा संसदलाई चेतावनी दिने छुट कसैलाई नभएको चेतावनी दिएका छन्। सोमबार प्रतिनिधि सभाको बैठकमा नियमापत्ति गर्दै उनले समाजमा अराजकता मचाउने, जिउँदै मान्छे जलाउने, लुटपाट मच्चाउने, आगजनी गर्नेहरूलाई बल पुग्नेगरी गणतन्त्रको संसदले कोही कसैलाई पनि अनुमती नदिएको भन्दै यस्तो विरुद्धमा उभिने बताए। उनले भने, ‘समाजमा अराजकता मचाउने, जिउँदै मान्छे जलाउने, लुटपाट मचाउने, आगजनी गर्नेहरूलाई बल पुग्नेगरी संसदले कोही कसैलाई पनि अनुमती दिदैन। त्यसप्रकारका क्रियाकलापहरू राजावादी हुँ भनेकै आधारमा गणतन्त्रवादीहरूलाई वा संसदलाई चेतावनी दिने छुट कसैलाई छैन। यस्तो कतैबाट हुन्छ भने त्यस विरुद्धमा हामी उभिन्छौं।’

बिएल संवाददाता

बिएल संवाददाता - काठमाडौं

प्रधानमन्त्रीको प्रस्ताव : सरकार फेरिएसँगै नियुक्ति पाएकाहरू स्वत: पदमुक्त हुने व्यवस्था गरौँ

‘बरु यस्तो गरौं लोकसेवाबाट आएकाहरू बाहेक सरकारले नियुक्त गरेका व्यक्तिका पदहरू सरकार फेरिएसँगै स्वत: पदमुक्त हुने व्यवस्था गरौं। यसका बारेमा छलफल गरौं’ उनले भने ‘ब्यक्ति ब्यक्तिको नियुक्ती वा बर्खास्तका विषयमा संसदले हात हाल्ने होइन। त्यो सरकारको कुरा हो। व्यक्ति व्यक्तिको नियक्ति, बर्खास्तमा संसद लाग्यो भने उसका कामहरू छुट्छन्।’

बिएल संवाददाता

बिएल संवाददाता - काठमाडाैं

राजावादीलक्षित ओलीको कटाक्ष- तीनकुने घटना आपराधिक थियो, ज्ञानेन्द्रले ऐतिहासिक सम्झौता उल्लघंन गरे

प्रधानमन्त्री केपी शर्मा ओलीले शुक्रबार तीनकुने आन्दोलनमा भएको हिंसात्मक घट्नामा संलग्न जोकोहीलाई कडा कारबाही गरिने चेतावनी दिएका छन्। सोमबार बसेको प्रतिनिधिसभाको बैठकलाई सम्बोधन गर्दै उनले घटनामा संलग्न जुनसुकै कभरमा बसेपनि कडा कारबाही गर्ने चेतावनी दिए। उनले भने, ‘शुक्रबार तीनकुनेमा भएको शान्तिपूर्ण आन्दोलन भनिएकोमा आपराधिक घटना सुरु गरियो। आगजनी गरियो। मानिसलाई घरभित्रै थुनेर बाहिरबाट ताल्चा लगाएर जिउँदै जलाएर हत्या गरियो। प्रहरीको बन्दुक खोस्ने, कुटपिट गर्ने ढुंगामुढा, तोडफोट, लुटपात जस्ता अपराधिक घट्ना गरियो। अन्य आतंककारी काम समेत भयो। यी सबै निन्दनीय र खेलजनक क्रियाकलाप हुन्। यस्ता घटनामा संलग्नहरूमाथि जोसुकै जोस्, जुनसुकै कभरमा किन नहुन कडा प्रशासनिक कारबाही हुन्छ।’

बिएल संवाददाता

बिएल संवाददाता - काठमाडौं

कमजोर भिजिबिलिटीले काठमाडौं विमानस्थलमा उडान प्रभावित, आधा दर्जन विमान डाइभर्ट

मौसममा आएको खराबीले ‘भिजिबिलिटी’ कमजोर हुँदा त्रिभुवन अन्तर्राष्ट्रिय विमानस्थलमा अन्तर्राष्ट्रिय उडानतर्फका कम्तीमा आधा दर्जन उडान/अवतरण प्रभावित भएको छ। प्रतिकूल मौसमका कारण आधा दर्जन विमान डाइभर्ट भएका विमानस्थलका प्रवक्ता रिञ्जी शेर्पाले जानकारी दिएका छन्। काठमाडौं एयरपोर्टमा भिजिबिलिटी राम्रो नभएपछि जजिरा एयरवेज र एयर इन्डियाका दुई विमान भारतको बनारस डाइभर्ट भएका छन्। त्यस्तै फ्लाइ दुवईको विमान भैरहवास्थित गौतमबुद्ध अन्तर्राष्ट्रिय विमानस्थलमा अवतरण गरेको छ।

बिएल संवाददाता

बिएल संवाददाता - काठमाडौं

संसदमा प्रधानमन्त्री र राप्रपा सांसदबीच चर्काचर्की

प्रधानमन्त्री केपी शर्मा ओली र राप्रपा सांसदहरूबीच संसदमै चर्काचर्की परेको छ। ओलीले बोल्न समय पाएको बेलामा पूर्वराजाको बारेमा प्रसंग निकालेपछि राप्रपा सांसदहरूले उठेर विरोध गरेका थिए। त्यसपछि प्रधानमन्त्री केपी ओलीले झर्किँदै जवाफ दिएका छन्। उनले नागरिकको हैसियतमा रहेका पूर्वराजालाई दोषका आधारमा कारबाही गरिने चेतावनी दिए। उनले गलत काममा संलग्न भएमा पूर्वराजालाई पनि नछोड्ने चेतावनी दिए।

बिएल संवाददाता

बिएल संवाददाता - काठमाडौं

संसदमा झाेक्किदैं प्रधानमन्त्रीले भने ‘ज्ञानेन्द्र शाहले पनि उन्मुक्ति पाउने छैनन्’

‘त्यहाँ व्यक्तिको घरमात्रै तोडफोड गरिएन। घरमा आगो लगाइदिएर पत्रकार थुनेर मारियो’ उनले भने ‘जो सुकै भए पनि घटनामा संलग्नहरूलाई कारबाही हुन्छ। त्यो कार्यक्रमको योजनाकारहरूको पहिचान गरेर कारबाही हुन्छ।’

बिएल संवाददाता

बिएल संवाददाता - काठमाडाैं

तीनकुनेका मुख्य अभियुक्त ज्ञानेन्द्र शाह नै हुन्, मुद्दा चलाउनुपर्छ

मूल योजनाकार नै ज्ञानेन्द्र शाह देखिन्छन्, निर्मल निवास देखिन्छ। निर्मल निवासको प्रत्यक्ष योजनामा, निर्देशन र उक्साहटमा क्रियाकलाप भएको देखिएको छ। किनकी फागुन ६ गते पूर्वराजाको वक्तव्यबाट सबै कुरा स्पष्ट हुन्छ। ‘कदम चाल्ने बेला आयो, तपाईहरूको साथ चाहियो’ भनेर उहाँले के भन्न खोज्नु भएको हो ?

बिएल संवाददाता

बिएल संवाददाता - काठमाडाैं

ईद मुवारक धवल ‘राजा’!

धर्म निरपेक्षता हटाएर हिन्दू धर्मको पूनर्स्थापनाको माग गर्ने नेपालगन्जका लोकल ’राजा’ धवलसमशेर राणा स्थानीयहरूसँग हरेक वर्ष ईद मनाउने गर्दथे। तर यो पटक ’लोकल राजा’ ईद मुवारक भन्न नेपालगन्जका गल्ली र घरहरूमा उपस्थित हुन नसक्ने भए। हाम्रो समाज जहाँ ठकुरी र राणा परिवारको वाहुल्यता भएको परिवेशमा राजा र महारानी सम्बोधन खुबै चल्छ। गृह जिल्ला बाँकेमा राणालाई कतिपय नेपालगन्जीयाहरूले ’राजा’ भनेरै सम्बोधन गर्छन्। त्यो उनको लोकप्रियताको बिम्वका रुपमा समेतलिइन्छ नेपालगन्जमा।

बिएल संवाददाता

बिएल संवाददाता - काठमाडाैं

प्रधानमन्त्रीले सम्बाेधन गर्ने, संसदका अरु कार्यसूची के छन्?

बैठकमा प्रधानमन्त्री केपी शर्मा ओलीले सम्बोधन गर्ने कार्यसूची रहेको छ। ओलीले गत शुक्रबार भएको राजावादीहरूको हिंसात्मक आन्दोलन, विपक्षी दलहरूले उठाउँदै आएको नेपाल विद्युत प्राधिकरणका कार्यकारी निर्देशक कुलमान घिसिङको बर्खास्ती प्रकरणलगायत विषयमा सम्बोधन गर्ने कार्यसूची छ।

बिएल संवाददाता

बिएल संवाददाता - काठमाडाैं

भोलि सार्वजनिक बिदा

सोमबार सरकारले सार्वजनिक बिदा दिने भएको छ। आइतबार गृह मन्त्रालयले सार्वजनिक बिदासम्बन्धी सूचना जारी गर्दै इस्लाम धर्मावलम्बीहरूको पर्व ईद (ईद उल फित्र)का दिन सार्वजनिक बिदा दिने निर्णय भएको जानकारी दिएको हो। सूचनामा लेखिएको छ, ‘२०८०/१०/२९ गतेको नेपाल राजपत्रमा प्रकाशित सूचनाअनुसार इस्लाम धर्मावलम्बीहरूको पर्व ईद (ईद उल फित्र)का दिन सार्वजनिक बिदा दिने निर्णय भएको सन्दर्भमा उक्त पर्वको अवसरमा २०८१ चैत १८ गते सोमबार सार्वजनिक बिदा दिने निर्णय भएको व्यहोरा सम्बन्धित सबैको जानकारीको लागि यो सूचना प्रकाशित गरिएको छ।’

बिएल संवाददाता

बिएल संवाददाता - काठमाडौं

मिश्र र राणालाई पाँचदिन हिरासतमा राख्न अनुमति, ‘राजद्रोह’को कसुरमा अनुसन्धान

जिल्ला अदालत काठमाडौंले राष्ट्रिय प्रजातन्त्र पार्टी (राप्रपा)का वरिष्ठ उपाध्यक्ष रवीन्द्र मिश्र र धवलशमशेर जबरालाई पाँच दिन थुनामा राख्न अनुमति लिएको छ। शुक्रबार काठमाडौंको तीनकुनेमा भएको राजावादी आन्दोलनका क्रममा भएको तोडफोड, आगजनी र लुटपाटका घटनामा जिम्मेवार रहेको भन्दै पक्राउ परेका उनीहरूलाई आज जिल्ला अदालत काठमाडौंले म्याद थपेको हो उनीहरू पक्राउ परेको दिनदेखि नै त्यो अवधि गणना हुनेछ। अदालतले दिएको अनुमति अनुसार प्रहरीले अब उनीहरूलाई कम्तीमा मंगलबारसम्म थुनामा राख्न पाउनेछ।

बिएल संवाददाता

बिएल संवाददाता - काठमाडौं

गणतन्त्रविरुद्ध ढुंगा हान्नेसँग कुम जोडेर माओवादीको राजनीतिक दृष्टिकोणमाथि नै प्रश्न खडा भयोः एमाले

नेकपा एमालेका प्रमुख सचेतक महेश बर्तौलाले प्रमुख प्रतिपक्षीले राजावादीहरूसँग मिलेर लगातार सदन अवरुद्ध गरिरहेको बताएका छन्। आइतबार संसद भवनमा सञ्चारकर्मीसँग कुरा गर्दै बर्तौलाले बाहिर गणतन्त्रको पक्षमा नाराबाजी गर्ने र सदनभित्र गणतन्त्रका विरुद्ध ढुंगा हान्नेहरूसँग कुम जोडेर सदन चल्न नदिने कुराले माओवादीको राजनीतिक दृष्टिकोणप्रति नै प्रश्न खडा भएको बताएका हुन्। उनले भने, ‘प्रमुख प्रतिपक्षले लगातार चारदिनदेखि संसद बैठक अवरुद्ध गरिरहेका छन्। प्रमुख प्रतिपक्षले लाज मान्नुपर्ने हो। प्रमुख प्रतिपक्षी दलहरूको राजनीतिक दृष्टिकोणमाथि नै अब प्रश्न चिन्ह खडा भइसकेको छ। बाहिर गणतन्त्रका पक्षमा नाराबाजी लाउने, संसदमा गणतन्त्रका विरुद्धमा ढुंगा हान्नेहरूसँग कुम जोडेर संविधान बमोजिम यो हाउस चल्न नदिने?’

बिएल संवाददाता

बिएल संवाददाता - काठमाडौं

राजतन्त्रमा ‘हुकुम’ नै कानुन हुन्छ, गणतन्त्रमा जनताले प्रश्न गर्न पाउँछन्ः गृहमन्त्री

गृहमन्त्री रमेश लेखकले लोकतान्त्रिक गणतन्त्रमा जनताले सरकारलाई प्रश्न गर्न पाउने र सरकारले जवाफ दिनुपर्ने बताएका छन्। आइतबार काठमाडौंमा आयोजित रिपोर्टर्स क्लब नेपालको २७औं वार्षिकोत्सव समारोहमा बोल्दै उनले राजतन्त्रमा हुकुम नै कानुन हुने भन्दै लोकतान्त्रिक गणतन्त्रमा जनताले प्रश्न गर्न पाउने बताएका हुन्। ‘म आग्रह गर्न चाहन्छु जनताबाट निर्वाचित पद्धति जनताको नियन्त्रण रहन्छ। जनताले प्रश्न गर्न पाउँछन्। जुन पद्धतिले जनताबाट निर्वाचित प्रतिनिधिले जवाफ दिनुपर्छ। आलोचनालाई स्वीकार गर्नुपर्छ। पद्धतिविरुद्ध, संविधान भन्दामाथि राजतन्त्र पद्धति नै उचित होला भनेर भ्रममा परियो भने देश थप अँध्यारोतर्फ जान्छ,’ उनले भने।

बिएल संवाददाता

बिएल संवाददाता - काठमाडौं

मिश्र र राणासहित ४१ राजावादी प्रदर्शनकारीलाई अदालतमा उपस्थित गराइयो

राष्ट्रिय प्रजातन्त्र पार्टीका वरिष्ठ उपाध्यक्ष रवीन्द्र मिश्र र महामन्त्री धवलशमशेर राणासहित ४१ जनालाई म्याद थपका लागि जिल्ला अदालत काठमाडौंमा उपस्थित गराइएको छ। तीनकुनेको हिंसात्मक आन्दोलनमा जोडिएको आरोपमा पक्राउ परेका उनीहरूलाई हिरासतमा राखेर अनुसन्धान गर्नका लागि म्याद थप गर्न लागिएको हो। उनीहरूमाथि आपराधिक उपद्रव र संगठित अपराधको कसुरमा अनुसन्धान सुरु भएको काठमाडौं प्रहरी परिसरले जनाएको छ।

बिएल संवाददाता

बिएल संवाददाता - काठमाडौं

तीनकुने घटनाको सम्पूर्ण जिम्मेवारी पूर्वराजाले लिनुपर्छः विश्वप्रकाश शर्मा

नेपाली कांग्रेसका महामन्त्री विश्वप्रकाश शर्माले शुक्रबारको हिंसात्मक प्रदर्शनको सम्पूर्ण जिम्मेवारी पूर्वराजा ज्ञानेन्द्र शाहले लिनुपर्ने टिप्पणी गरेका छन्। आइतबार संसद भवन नयाँबानेश्वरमा सञ्चारकर्मीसँग कुराकानी गर्दै उनले शुक्रबारको घटनामा पूर्वराजाले नैतिक जिम्मेवारी लिनुपर्ने बताएका हुन्। उनले भने, ‘आज पूर्वराजाले बीपीले जस्तै नैतिक जिम्मेवारी लिनुपर्छ की पर्दैन? मान्छे मारिएको घटनामा बोल्नुपर्छ की पर्दैन? कस्तो राजसंस्था खोजेको? यो घटनामा सम्पूर्ण रुपमा पूर्वराजा दोषी छन्।’

बिएल संवाददाता

बिएल संवाददाता - काठमाडौं

१५ गतेको घटना संविधानमाथिको आक्रमण हो: रघुजी पन्त

नेकपा (एमाले)का सांसद रघुजी पन्तले नेकपा एमाले वर्तमान संविधानको रक्षाको लागि सधैं कटिबद्ध रहेको बताएका छन्। आइतबार संसद भवन परिसरमा सञ्चारकर्मीहरूसँग कुरा गर्दै सांसद पन्तले  संविधानलाई रक्षा गर्न र विकास गर्न एमाले लागिपरेको बताएका हुन्। उनले भने, ‘नेकपा एमाले वर्तमान संविधानको रक्षाको लागि सँधैं कटिवद्ध छ। यो  संविधानलाई रक्षा गर्न, यसलाई विकास गर्न र संविधानलाई विकसित रुप दिन लागिपरिरहेको छ।’ साथै उनले  प्रतिपक्षहरूका कारण संसद बैठकमा अवरोध आइरहेको बताए। उनले चैत १५ गते काठमाडौंमा भएको घटनाबारे संसदमार्फत देशलाई जानकारी दिन  गृहमन्त्रीले पाउनुपर्ने बताए।

बिएल संवाददाता

बिएल संवाददाता - काठमाडौं

फरार दुर्गाविरुद्ध अर्को मुद्दा

मेडिकल व्यवसायी तथा राजसंस्था पुनर्स्थापनाका पक्षधर दुर्गा प्रसाईंविरुद्ध साइबर ब्युरोमा फेरि अर्को उजुरी परेको छ। प्रसाईंले झूटा, भ्रामक, र जनमानसमा गलत धारणा फैलाउने अभिव्यक्ति दिएको भन्दै अधिकारकर्मी टिकाराम भुसालले काठमाडौंको साइबर ब्युरोमा उजुरी दिएका हुन्। प्रसाईले नेपालमा समलिङ्गी विवाह यूएसएडको वित्तीय सहयोगमा लागू गरिएको भन्ने झूटा, भ्रामक अभिव्यक्ति दिएको भिडियो टिकटकमार्फत बाहिरिएपछि भुसालले झुटा सूचना प्रवाह र अदालतको मानहानीसम्बन्धी उजुरी दिएका छन्।

बिएल संवाददाता

बिएल संवाददाता - काठमाडौं

घुमिफिरी घण्टीघरमै रवि

राष्ट्रिय स्वतन्त्र पार्टी (रास्वपा)का निलम्बित सभापति रवि लामिछानेले पार्टीको जिम्मेवारीसहित सक्रिय राजनीतिमा फर्किने तयारी गरेका छन्। सहकारी ठगी प्रकरणमा कात्तिक २ गते पार्टी कार्यालयबाटै पक्राउ परेका उनी पोखरा, काठमाडौं, चितवन र बुटवलका जिल्ला प्रहरी कार्यालय र जिल्ला अदालतको चक्कार काटेर अन्ततः घण्टीघरमै फर्किने भएका हुन्। लामिछाने अदालती पक्रियामा गएपछि पार्टीको पुस ८ गतेको सचिवालय बैठकले उपसभापति डोलप्रसाद अर्याललाई कार्यवाहक सभापतिको जिम्मेवारी दिएको थियो।

बिएल संवाददाता

बिएल संवाददाता - काठमाडौं

ट्रेन्डिङ