बुटवलमा दुई छट्टाछुट्टै दुर्घटनामा परी दुई जनाको ज्यान गएको छ । शुक्रबार पूर्व पश्चिम राजमार्ग अन्तरगत बुटवल–१२ नयाँगाउँमा पश्चिमबाट पूर्वतर्फ आउँदै गरेको लु ३० प २३२१ नम्बरको मोटरसाइकल अनियन्त्रित भई पल्टिदा बुटवल गोलपार्कका गणेश अधिकारीको मृत्यु भएको छ ।
गम्भीर घाइते अधिकारीको उपचारको क्रममा बुटवलस्थित लुम्बिनी प्रादेशिक हस्टिलमा मृत्यु भएको इलाका प्रहरी कार्यालय बुटवलका प्रमुख भीमलाल भट्टराईले जानकारी दिएका छन् ।
यस्तै बुटवल–१० रामनगरमा लु ४४ प ७६५६ नम्बरको मोटरसाइकलले ठक्कर दिँदा नाम नखुलेको अन्दाजी ५५ वर्षिया पुरूषको मृत्यु भएको छ । मृत्यु हुनेको पहिचान हुन नसकेको प्रहरीले बताएको छ ।
ठक्कर दिने मोटरसाइकल र चालकलाई प्रहरीले नियन्त्रणमा लिएको छ ।
