दशैं तिहार नजिकिदैँ गर्दा प्रायः कर्णालीका शहरहरु रित्तिदै गएका छन् । शहरहरु रित्तिदै जादाँ गाउँहरुमा भने भरिदैँ गएका छन् । कर्णालीका प्रदेशको राजधानी वीरेन्द्रनगर र जिल्लाका सदरमुकाम तथा बजारहरु अहिले सुनसान हुन थालेका छन् । गाउँमा मानिसको चहलपहल बढ्न थालेको छ ।

व्यापार व्यवसाय गरेर शहरमा बस्ने दशैं तिहारमा गाउँमा जाने गरेकाले प्रायः शहर बजारहरु सुनसान हुने र गाउँमा मानिसहरुको पहलपहल बढेको कालिकोट त्रिवेणी गाउँपालिकाका अध्यक्ष डम्बरबहादुर शाहीले बताए । ‘अहिले गाउँमा मानिसहरुको पहलपहल निकै बढेको छ,’ उनले भने, ‘बाहिर व्यापार, व्यवसाय र रोजगारीमा गएकाहरु गाउँमा फर्केका छन् ।’