पेरिस सेन्ट जर्मेन (पीएसजी) फ्रेन्च लिग वान फुटबलमा विजयी भएको छ । पीएसजीले लियोनलाई उसकै मैदानमा १–० ले हराएको हो ।

खेलको चौथो मिनेटमा नै नेयमारको क्रसमा एन्जल डि मारियाले गोलको सुन्दर मौका खेर फालेको थियो ।१२औं मिनेटमा डि मारियाले काउन्टर एट्याकमा गरेको प्रहार लियोनका गोलरक्षक एन्थोनी लोपेसले मुस्किलले बचाउदा पीएसजी अग्रता लिनबाट चुकेको थियो ।

४१औं मिनेटमा नेयमारको फ्रिकिलाई लोपेसले सुन्दर तरिकाले बचाए ।युसुफ कोनेको क्रसमा हुसेन औरले सुन्दर मौका खेर फाल्दा लियोन अग्रता लिनबाट चुकेको थियो ।

लगातार आक्रमण बनेको पीएसजीका लागि नेयमारले ८७औं मिनेटमा गोल गरे । डि मारियाको पासमा नेयमारले बक्सभित्र चार डिफेन्डरबीचबाट पहिलो बारमा च्याप्दै गरेको प्रहार गोलमा परिणत भएको थियो । उनको एक गोलबाट पीएसजीले ३ अकं जोड्यो ।

जितससँगै अपराजित रहेको पीएसजीले ६ खेलबाट १५ अंक जोडेर शीर्षस्थानमा रहेको छ । पराजित लियोन ८ अंकसहित नवौं स्थानमा छ ।