आइसीसी एकदिवसीय विश्वकप छनोट प्रतियोगिताअन्तर्गत आज (मंगलबार) नेपालले अमेरिकासँग प्रतिस्पर्धा गर्दैछ। नेपाल र अमेरिकाबीचकाे खेल नेपाली समयअनुसार दिउँसाे पाैने १ बजे जिम्बाब्वेस्थित टाकासिंगा स्पोर्टस् क्लबमा हुनेछ।

जारी प्रतियाेगितामा नेपालकाे याे दाेस्राे खेल हाे। यसअघि नेपाल पहिलाे खेलमा आयाेजक जिम्बाब्वेसँग ८ विकेटले पराजित भएकाे थियाे। नेपालले आज अमेरिकालाई हराउँदै जितकाे स्वाद चाख्न चाहन्छ।

त्यस्तै अमेरिका पनि जारी प्रतियाेगितकाे पहिलाे खेलमा वेस्ट इन्डिजसँग ३९ रनले पराजित भएकाे थियाे। अमेरिका पनि पहिलाे जितकाे खाेजीमा रहेकाे छ।

विश्वकप छनाेटमा पहिलाे पटक भिड्न लागेका नेपाल र अमेरिकाबीच एकदिवसीय अन्तर्राष्ट्रिय प्रतियाेगितामा धेरै पटक भेट भएकाे छ।

नेपालको सम्भावित प्लेइङ– ११

आसिफ शेख, कुशल भुर्तेल, भीम सार्की, रोहितकुमार पौडेल (कप्तान), आरिफ शेख, दीपेन्द्रसिंह ऐरी, कुशल मल्ल, गुलसन झा, करण केसी, सोमपाल कामी र सन्दीप लामिछाने।