इंग्लिस प्रिमियर लिग फुटबलमा वेष्टहामले म्यानचेष्टर युनाइटेडमाथि जित हात पारेको छ ।

आइतबार भएको खेलमा वेष्टहामले युनाइटेडलाई २–० ले हराएको हो । घरेलु मैदानमा भएको खेलमा वेष्टहामले पहिलो हाफको अन्तिमतिर एन्ड्री यामोलोन्कोको गोलबाट अग्रता लिएको थियो ।

पहिलो हाफ १–० ले अगाडि रहेको वेष्टहामले दोस्रो हाफमा थप एक गोल गर्यो । उसका लागि खेलको ८६ औं मिनेटमा आरोन क्रसवेलले उत्कृष्ट फ्रि किक गोल गर्दै घरेलु टोलीको ३ अंक पक्का गरे ।

युरोपा लिगमा अस्टानामाथि १–० को जित निकाल्दा ९ खेलाडी परिर्वतन गरेका युनाइटेडका प्रशिक्षकले लिगमा भने लिसेस्टरलाई हराएको टोली नै उतारे ।