पाकिस्तानमा राष्ट्रिय सभा र प्रान्तीय निर्वाचनको मतदान सकिएको ६० घण्टाभन्दा बढी समय बितिसकेको छ। तरपनि पूर्ण परिणाम आउन सकेको छैन।
अहिलेसम्मको मतपरिणाममा कुनै पनि दलले बहुमत ल्याउन सकेको छैन। इमरान खानलाई समर्थन गर्ने स्वतन्त्र उम्मेदवार ९२ सिटमा अगाडि छन्। नवाजको पार्टी ७३ सिटका साथ दोस्रो स्थानमा छ।
जेलमा रहेका इमरानको पीटीआई र बिलावलको पीपीपीले धेरै सिटमा धाँधली गरेको आरोप लगाएका छन्। पाकिस्तानको राष्ट्रिय सभामा कुल ३३६ सिट छन्। जसमध्ये २६५ सिटमा निर्वाचन भएको थियो।
एक सिटको निर्वाचन स्थगित भएको छ भने एक सिट एनए ८८ को नतिजा अस्वीकृत भएको छ। यहाँ फेब्रुअरी १५ मा फेरि मतदान हुँदैछ। बाँकी ७० सिट आरक्षित छन्।
सरकार बनाउन १३४ सिटमा बहुमत चाहिन्छ। पाकिस्तानमा मुख्यतया ३ दलबीच प्रतिस्पर्धा छ। जसमा पाकिस्तान मुस्लिम लिग-नवाज (पीएमएल-एन), पाकिस्तान तहरीक-ए-इन्साफ (पीटीआई) र पाकिस्तान पिपुल्स पार्टी (पीपीपी) पर्छन्।
नवाजसँग गठबन्धन भए बिलावललाई प्रधानमन्त्री बनाउन माग
शहबाज सरिफले शनिबार आसिफ अली जरदारी र बिलावल भुट्टोसँग भेट गरेका थिए। यसै क्रममा आसिफ अली जरदारीले शाहबाजलाई भने, 'यदि गठबन्धन हुन्छ भने बिलावललाई प्रधानमन्त्री बनाउनुपर्छ।'
स्रोतका अनुसार शाहबाज शरीफले पार्टी नेताहरूलाई भनेका छन् कि बदलामा आसिफ अली जरदारीले पञ्जाबमा सरकार बनाउन पीएमएल-एनलाई समर्थन गर्ने वाचा गरेका छन्।
स्रोतका अनुसार आसिफ अली जर्दारीले नवाज सरिफसँग गठबन्धनको विषयमा भेट गर्न सक्नेछन्।
अमेरिकी सांसदले भने– पाकिस्तानमा चुनावी नतिजालाई मान्यता दिनु हुँदैन
अमेरिकी सांसदहरूले बाइडेन प्रशासनलाई पाकिस्तानको चुनावी परिणामलाई मान्यता नदिन आग्रह गरेका छन्।
उनले भने, 'पाकिस्तानमा धाँधली भएको दाबी भइरहेको छ। निर्वाचनको नतिजा प्रमाणित नभएसम्म मान्यता दिनु हुँदैन।'
बलुचिस्तानको नतिजा आउन सबैभन्दा बढी ढिलाइ
पाकिस्तानमा फेब्रुअरी ८ मा संसदीय र प्रान्तीय निर्वाचनका लागि मतदान भएको थियो। तर साढे दुई दिन बितिसक्दा पनि पूर्ण नतिजा सार्वजनिक हुन सकेको छैन।
विशेष कुरा के छ भने पञ्जाब, सिन्ध र खैबर पख्तुनख्वाका सबै सिटको नतिजा आएको छ। राष्ट्रिय सभाका यी प्रदेशका सिटको पनि नतिजा सार्वजनिक भइसकेको छ। तर बलुचिस्तानका दुवै प्रान्तीय र संसदीय सिटको पूर्ण नतिजा आइसकेको छैन।
हाल नेशनल एसेम्बलीका चार सिट जसको नतिजा आउन बाँकी छ ती सबै बलुचिस्तानका हुन्। यसबाहेक ३ प्रादेशिक सिटको नतिजा भने सार्वजनिक भएको छैन।
यसैबीच, बलुचिस्तानमा बिएनपी, एनपी, पीकेएमएपीलगायत सबै दलका नेताहरूले आज आपतकालीन बैठक बोलाएका छन्।
उनीहरू पूरै प्रान्तमा सडकमा उत्रनेछन् र बलुचिस्तान विधानसभालाई घेर्नेछन्। चुनावी धाँधली र नतिजा आउन ढिलाइको विषयमा पनि पार्टीका कार्यकर्ता अदालत जानेछन्।
मलालाले पाकिस्तानको चुनावमा भनिन्– परिणामको अनादर नगर
पाकिस्तान छाडेकी मानवअधिकारकर्मी तथा नोबेल शान्ति पुरस्कार विजेता मलाला युसुफजाईले पाकिस्तानको निर्वाचनप्रति प्रतिक्रिया दिएकी छन्।
मलालाले पाकिस्तानमा स्वतन्त्र र निष्पक्ष निर्वाचन आवश्यक रहेको बताएकी छन्।
'नतिजाको अनादर गर्नुहुँदैन। हामीले मतदाताको निर्णयलाई सम्मान गर्नुपर्छ', उनले भनिन्।
प्रदर्शनको तेस्रो दिन
पाकिस्तानमा ८ जनवरीमा निर्वाचन भएको थियो। मतदान भएको करिब ८ घण्टापछि मतगणना र परिणाम घोषणा सुरु भएको थियो। सबै सिटको नतिजा भने आउन सकेको छैन।
फेब्रुअरी 9 देखि, पाकिस्तान तहरीक-ए-इन्साफ (पीटीआई), तहरीक-ए-लब्बैक (टीएलपी) र अन्य पार्टीका कार्यकर्ताहरूले छिट्टाे र सही परिणाम घोषणाको माग गर्दै देशभर विरोध प्रदर्शन गरिरहेका छन्।
इमरानकी बहिनीले भनिन्– चुनाव जितेको नवाजको दाबी पाकिस्तानीहरूको अपमान हो
पूर्व प्रधानमन्त्री इमरान खानकी बहिनी अलिमा खानले पीएमएल-एनका सर्वोच्च नेता नवाज शरीफले चुनाव जितेको समयपूर्व घोषणा गर्नु पाकिस्तानीहरूको अपमान भएको बताएकी छन्।
एक अन्तर्वार्तामा उनले भनेकी थिइन्, ‘मेरो भाइ (इमरान)ले ८ फेब्रुअरीमा जेलको पछाडिबाट पाकिस्तानमा क्रान्तिलाई प्रेरित गरेका थिए। उम्मेदवारले जनादेश चोरीको विरोध गरेर आफ्नो सिट फिर्ता लिनुपर्ने स्पष्ट निर्देशन दिनुपर्छ।'
पीटीआई समर्थित उम्मेदवारले भने–पुलिस र केही व्यक्तिले मेरी श्रीमती र छोराछोरीलाई दुर्व्यहार गरिरहेकाे छ
पीटीआई-समर्थित उम्मेदवार खुर्रम शेर जमानले बिहान २:४२ मा दावी गरे कि सादा लुगा लगाएका केही व्यक्तिहरू उनको घरमुनि घुमिरहेका थिए।
उनले भने, 'प्रधानन्यायाधीश साहब, के हुँदैछ, मैले के गरेको छु? पुलिस र मानिसहरूले मेरी श्रीमती र छोराछोरीलाई दुर्व्यवहार गरिरहेका छन्। उनीहरुको हातमा फोन छ।' दैनिक भास्कंरकाे सहयाेगमा
