नेपाली हाँस्य क्षेत्रमा कलाकार दीपकराज गिरी कुनै नौलो नाम होइन । चर्चित हाँस्य सिरियल तितो सत्यबाट दर्शकलाई हसाँउदै आएका दीपक अहिले निर्माता तथा निर्देशकका रुपमा सिनेमा आएका छन् ।कहिलेकाही उनको बोली धेरैका लागि तितो समेत हुनसक्छ । हालै मात्र दीपक र रोहित अधिकारीको टिमले मिलेर बनाएको चलचित्र ‘छ माया छपक्कै’को ट्रेलरमा आएको नकारात्मक प्रतिक्रियापछि दीपकले पुन: तितो कुरा बोलेका छन् ।

दीपकले सामाजिक संजालमा एक पोष्ट गर्दै आफूहरु विरुद्ध नक्कली आइडी बनाएरै बिष ओकलिएको गुनासो गरेका छन् ।

दीपकले भनेका छन्– 'हाम्रो अकल्पनीय लगातारको सफलताले अत्तालिएका यी ब्यक्तिहरू सामाजिक संजालहरूमा समूह निर्माण गरेर नक्कलि आइडि बनाइ हामि विरूद्द विष ओकलिरहेछन् ।'

'हामिले मेहनत गर्यो, दर्शकले माया गरिदिनु भो । चलचित्रले दुर्लभ सफलता पायो के यो अपराध हो ?, नेपाली फिल्म र नेपाली संस्कृतीको पक्षमा आबाज उठाउनु गल्ति हो?'उनले प्रश्न गरेका छन् ।उनले यस्ता तत्वहरूसँग सजक रहन शुभचिन्तकमा आग्रह गरेका छन् ।