नेपाली बजारमा साताभरि दिनैपिच्छे उच्च रेकर्ड बनाएको सुनको मूल्य शुक्रबार घटेको छ। अघिल्लो दिनको तुलनामा सुनको भाउ तोलामा ३ हजार ९ सय रुपैयाँ घटेको हो।
नेपाल सुनचाँदी व्यवसायी महासंघका अनुसार शुक्रबारका लागि सुन प्रतितोला १ लाख ७६ हजार ४ सय रुपैयाँ तोकिएको छ। अघिल्लो दिन १ लाख ८० हजार ३ सय रुपैयाँ थियो। यसैगरी आज चाँदीको भाउ तोलामा १२५ रुपैयाँले घटेर प्रतितोला १ हजार ८ सय ७० रुपैयाँमा कारोबार भइरहेको छ।
