तीनकुनेमा हिंसात्मक प्रदर्शनपछि फरार रहेका दुर्गा प्रसाईंले आफू काठमाडौंमै रहेको दाबी गर्दै भिडियो सन्देश जारी गरेका छन्।
उनले फरक-फरक स्थानबाट फरकफरक भिडियो सन्देश जारी गर्दै आफू भाग्ने मान्छे नभएको दाबी गर्दै आफूलाई पक्राउ र पूर्वराजालाई नजरबन्दमा राख्न चुनौती दिएका छन्।
भिडियो-
उनले आन्दोलनलाई सरकारले जबरजस्ती हिंसात्मक बनाएको दाबी गरेका छन्। उनले आफूलाई भेटेपछि गोली हान्नु भन्ने प्रधानमन्त्रीको आदेश थाहा पाएपछि मन्दिरमा सुरक्षित भएर बसेको बताएका छन्।
उनले आफूलाई मार्नका लागि विनाबर्दीका प्रहरी र युवासंघका कार्यकर्ताहरू निजी घरहरूमा चढेर पहिलेदेखि नै प्लान बनाएर बसेको पनि दाबी गरेका छन्। उनले आफूलाई हत्या गर्नका लागि शार्पसुटरहरू खटाइएको थाहा पाएपछि आफू आन्दोलनबाट प्रहरीको घेरा तोडेर निस्केको दाबी पनि गरेका छन्।
भिडियो-
