प्रधानमन्त्री केपी शर्मा ओली नेकपा एमालेको राष्ट्रिय युवा संघको स्वयंसेवक भेलामा सहभागी भएका छन्।
युवा संघले काठमाडौंमा आयोजना गरेको भेलालाई सम्बोधन गर्न प्रधानमन्त्री ओली बुधबार दिउँसो तीनकुने पुगेका हुन्।
त्यहाँ युवा संघका कार्यकर्ताहरूले ‘ओलीबा वि लभ यु’ को नारा लगाएका थिए।
यता प्रतिनिधि सभा बैठकमा प्रतिपक्षी दलहरूले सरकारको खोजी गरेपछि संसद बैठक दुईपटक बसेर स्थगित भएको छ।
संसद बहिष्कार गरेर पार्टीको युवा दस्ताको कार्यक्रममा सहभागी भएपछि प्रधानमन्त्रीको प्रतिपक्षी दलहरूले आलोचना गरेका छन्।
