पूर्वराजा ज्ञानेन्द्र शाह विभिन्न मन्दिरहरू दर्शनका लागि गाेरखा जान लागेका छन्। यसै साता भ्रमणमा निस्किनेबारे उनका संवाद सचिव डा. फणिराज पाठकले सूचना जारी गरेका छन्।
उनका अनुसार ज्ञानेन्द्र शाह सपरिवार गोरखनाथ, गाोरखकाली र मनकामना मन्दिरमा पूजाअर्चनमा सहभागी हुनेछन्।
यसअघि उनी एक महिनासम्म पाेखरातिरका मन्दिरहरू दर्शन गरेर फागुन २५ गते काठमाडौं फर्किएका थिए।
उनी फर्किँदा राजावादीहरूले ठूलाे जुलुश निकालेर उनलाई निर्मल निवाससम्म छोडेका थिए।
गत फागुन ७ गते प्रजातन्त्र दिवसका अवसरमा उनले दिएकाे सन्देशलाई लिएर अहिले राजनीतिक ध्रुबिकरण र बहस बाक्लिरहेका बेला उनी फेरि भ्रमणमा निस्किन लागेका हुन्।
