नेकपा (एमाले)का उपाध्यक्ष रामबहादुर थापा ‘बादल’ ले नेपाली कांग्रेस, माओवादी लगायत दलहरूले मुलुकको अवस्था बदल्न नसक्ने टिप्पणी गरेका छन्।
शनिबार एमाले मोरङको १०औं अधिवेशनलाई सम्बोधन गर्दै उनले एमाले र एमालेको नेतृत्वबाट मात्रै मुलुकको अवस्था बदल्न सम्भव रहेको दाबी गरे। उनले एमाले मात्रै क्रान्तिकारी पार्टी रहेको र मुलुकका सबै समस्याको समाधान गर्न सक्ने बताए।
उनले भने, ‘कांग्रेस, माओवादीलगायत पार्टीहरूले मुलुकको आर्थिक असमानता र गरिबीको खाडल अन्त्य गर्न सक्दैनन्। एमालेको नेतृत्वमा मात्र यो सम्भव छ।’
उनले माओवादी, कांग्रेसलगायतका दललाई अवसरवादी र अस्थिरतावादीको संज्ञा दिँदै यी दलबाट नेपालमा समाजवाद स्थापना सम्भव नरहेको ठोकुवा गरे।
