‘युवा स्टार फाउन्डेसन’ले महिला फुटबल खेलाडी प्रिती राईलाई सम्मान गरेको छ।
शनिबार एक विशेष समारोहकाबीच प्रिती राईलाई सर्वोत्कृष्ट महिला फुटबल खेलाडीको सम्मान गरेको हो।
सम्मान गर्दै फाउन्डेसनका अध्यक्ष मोहनचन्द्र सिंहले खेलकुदमा महिला टोलीले गरिरहेको प्रदर्शन एकदमै उत्कृष्ट रहेको बताए। उनले खेलकुदमा राष्ट्रको अगाडि जुन किसिमको प्रदर्शन नेपाली महिला टिमले गरेको छ त्यसले नेपाललाई विश्वसामू चिनाउन मद्दत पुर्याएको बताए।
उनले भने, ‘खेलकुदमा महिला टोलीले जुन किसिमको प्रर्दशन गरिरहनु भएको छ यो एकदमै उत्कृष्ट छ। फुटबलमा प्रिती राईको भूमिका धेरै नै छ। खेलकुदको कुराहरूले गर्दा नेपाललाई विश्वले चिनिरहेको छ। उहाँले राष्ट्रका लागि जुन किसिमको प्रदर्शन गर्नु भएको छ त्यो सम्झन लायक छ।’
