राष्ट्रिय स्वतन्त्र पार्टीकी सांसद एवं पूर्व शिक्षामन्त्री सुमना श्रेष्ठले शिक्षकहरूलाई पुराना पार्टीहरूले दुरुपयोग मात्रै गरेको बताएकी छन्।
शनिबार सुनसरीको रामधुनीमा पार्टीका कार्यकर्तालाई सम्बोधन गर्दै श्रेष्ठले अहिलेको शैक्षिक नतिजा पार्टीले शिक्षकको दुरुपयोग गरेर आएको उल्लेख गरेकी हुन्।
‘शिक्षक जस्तो सम्मानित पेसालाई राजनीतिक रूपमा दुरुपयोग मात्रै गरियो,’ उनले भनिन्, ‘त्यो शिक्षण पेसालाई दलीय राजनीति मुक्त नबनाउन्जेलसम्म केही हुनेवाला छैन।’
सांसद श्रेष्ठले तालाबन्दीले विद्यालयमा पढ्ने वातावरण बिग्रिएको उल्लेख गरिन्।
व्यवहारिक शिक्षाको आवश्यक्ता औँल्याउँदै श्रेष्ठले दक्ष जनशक्ति उत्पादनको आवश्यकता रहेको बताइन्।
