आईसीसी महिला यू-१९ विश्वकप क्रिकेट प्रतियोगितामा नेपाल अस्ट्रेलियासँग ८३ रनले पराजित भएको हो।

मलेसियाको यूकेएम वाईएसडी ओभल क्रिकेट मैदानमा अस्ट्रेलियाले दिएको १४० रनको लक्ष्य पछ्याएको नेपालले निर्धारित ओभरमा ८ विकेटको क्षतिमा ५६ रन मात्र बनाउन सक्यो।

नेपालका लागि कप्तान पूजा महतोले सर्वाधिक १८ रन बनाइन्। बलिङमा अस्ट्रेलियाका हसरत गिल, जुलियट मोर्टन र लिली बासिङथ्वाइटले समान २/२ विकेट लिए।

नेपाल समूह चरणका तीनै खेलमा पराजित हुँदै प्रतियोगिताबाट बाहिरिएको छ। यसअघि पहिलो खेलमा नेपाल बंगलादेशसँग पाँच विकेट र दोस्रो खेलमा स्कटल्याण्डसँग एक विकेटले पराजित भएको थियो।