बाँकेमा ट्याङ्करले मोटरसाइकललाई ठक्कर दिँदा दुई जनाको मृत्यु भएको छ।
साेमबार बिहान बाँकेबाट दाङतर्फ आउँदै गरेको ना ८ ख ३३३ नम्बरको ट्याङ्करले कोहलपुरतर्फ जाँदै गरेको भे ९ प ९५१७ को मोटरसाइकलाई ठक्कर दिँदा दुई जनाको घटनास्थलमै मृत्यु भएको प्रहरीले जनाएकाे छ।
मृत्यु हुनेमा कैलालीको धनगढी उपमहानगरपालिका–३ का ५० वर्षीय घमण्डबहादुर शाही र धनगढी–१४ का ३६ वर्षीय रुपेश बस्नेतको रहेका छन्।
मोटरसाइकलाई ठक्कर दिने ट्याङ्कर र चालकलाई नियन्त्रणमा लिइएको जिल्ला प्रहरी कार्यालय बाँकेले जनाएकाे छ।
