देशका उच्च पहाडी तथा हिमाली भू–भागका विभिन्न ठाउँमा हिमपात भएको छ।
आज सुदूरपश्चिम, कार्णालीका साथै बागमती र गण्डकी प्रदेशका उच्च पहाडी तथा हिमाली भू–भागका विभिन्न ठाउँमा हिमपात भएको हो।
कर्णाली र सुदूरपश्चिमका केही ठाउँमा बिहानैदेखि र बागमती तथा गण्डकीमा आज दिउँसोदेखि हिमपात हुन सुरु गरेको थियो।
यस्तै देशका धेरै स्थानमा आंशिकदेखि साधारणतया बदली पनि रहेको माैसम पूर्वानुमान महाशाखाले जनाएको छ।
साथै कर्णाली र सुदूरपश्चिकका केही ठाउँमा हल्का वर्षा पनि भइरहेको छ।
सामान्यतया आज रातीसम्म माैसममा कुनै फेरबदल हुने छैन। सोमबारदेखि भने माैसममा क्रमिक सुधार हुने सम्भावना रहेको महाशाखाले जनाएको छ।
