सप्तरी प्रहरीले खेतमा लुकाइ राखेको ६ सय ७० किलो गाँजा बरामद गरेको छ।
बलान बिहुल गाउँपालिका–१ बलान पट्टिस्थित पूर्वपश्चिम हुलाकी राजमार्ग देखि करिब १५० मिटर उत्तरतर्फ खेतमा परालले छोपिएको आवस्थामा उक्त गाँजा बरामद भएको हो।
गाँजालाई परालले छोपेर राखिएको थियो। गाँजा लुकाइएको सूचनाका आधारमा प्रहरी चौकी मौवाहाको टोलीले बरामद गरेको हो।
गाँजा कसले लुकाएको भन्ने विषयमा केही नखुलेको जिल्ला प्रहरी कार्यलय सप्तरीका सूचना आधिकारी प्रहरी नायब उपरीक्षक जितेन्द्र कुमार बस्नेतले जानकारी दिए।
