नेकपा माओवादी केन्द्रका अध्यक्ष पुष्पकमल दाहाल प्रचण्ड, एकीकृत समाजवादी पार्टीका अध्यक्ष माधवकुमार नेपाल र राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनबीच भेटवार्ता भएको छ।
तीन दलका शीर्ष नेताहरूबीच शुक्रबार सिंहदरबारस्थित माओवादी संसदीय दलको कार्यालयमा भेटवार्ता भएकाे हाे।
राष्ट्रिय एकता दिवस तथा पृथ्वी जयन्तीको अवसरमा यही पुस २७ गते आयोजना हुने चियापान कार्यक्रममा निमन्त्रणा दिने लिङ्देनले शीर्ष नेतासँग भेटवार्ता गरेका हुन्।
भेटका क्रममा उनीहरूबीच विकसित राजनीतिक घटनाक्रमलगायतका विषयमा पनि छलफल भएकाे बताइएकाे छ।
लिङ्देनले यसअघि बिहीबार प्रधानमन्त्री एवं नेकपा एमालेका अध्यक्ष केपी शर्मा ओली र बुधबार नेपाली काँग्रेस सभापति शेरबहादुर देउवासँग भेटवार्ता गरेका थिए।
उनले ओली र देउवालाई पनि पृथ्वी जयन्तीको अवसरमा आयोजना हुने चियापान कार्यक्रममा निमन्त्रणा दिएका थिए।
