दाङको देउखुरीमा स्कुल बसको ठक्करबाट मोटरसाइकलमा सवार एक जनाको मृत्यु भएको छ।
पूर्व-पश्चिम राजमार्गअन्तर्गत राप्ती गाउँपालका ८ बिजौरीमा मंगलबार साँझ बसले ठक्कर दिँदा सोही ठाउँका ३२ वर्षीय किशन शाहीको मृत्यु हो।
ईलाका प्रहरी कार्यालय भालुवाङका अनुसार एक निजी विद्यालयको रा१क १४१८ नम्बरको बसले रा५प २६०१ नम्बरको मोटरसाइकललाई ठक्कर दिएको थियो।
बसको ठक्करबाट मोटरसाइकल चालक शाहीको घटनास्थलमै मृत्यु भएको प्रहरीले जनाएको छ। यही सडक खण्डमा हिजो सोमबार भएको दुई छुट्टाछुट्टै दुर्घटनामा ३ जनाको मृत्यु भएको थियो।
दुर्घटनामा मृत्यु भएका परिवारले सडक अवरुद्ध गरिरहेका छन्।
