दाङमा फेरि सवारी दुर्घटना हुँदा एक जनाको मृत्यु भएको छ। सोमबार बेलुका साढे ६ बजे पूर्वपश्चिम राजमार्ग अन्तर्गत राप्ती गाउँपालिका २ लालमटियामा ट्रकको ठक्करबाट मोटरसाइकल चालकको मृत्यु भएको हो।
पश्चिकबाट पूर्वतर्फ जाँदै गरेको बा ४ ख २२६१ नम्बरको ट्रकले पूर्वबाट पश्चिमतर्फ आउँदै गरेको रा ८ प ४१४६ नम्बरको मोटरसाइकललाई ठक्कर दिएको थियो।
ट्रकको ठक्करबाट घाइते भएका मोटर साइकललाई चालकको स्वास्थ्य चौकी भालुवाङमा उपचारका क्रममा मृत्यु भएको प्रहरीले जानकारी दिएको छ।
मृतकको परिचय खुलेको छैन।
आज बिहान मात्र लमहीमा मिनी बस दुर्घटना हुँदा २ जनाको मृत्यु भएको थियो भने १२ जना घाइते भएका थिए।
