बालेन साह व्यक्तिमात्रै हाे, देश चलाउने विचार छैन: राजेन्द्र महतो (भिडियाे)

• • •

राष्ट्रिय मुक्ति क्रान्ति नेपालका अध्यक्ष राजेन्द्र महतोले काठमाडौँ महानगरपालिकाका प्रमुख बालेन साहसँग देश चलाउने विचार नभएकाे टिप्पणी गरेका छन्।

प्राइम टिभीको ‘जनता जान्न चाहन्छन्’ कार्यक्रममा बाेल्दै पूर्वमन्त्रीसमेत रहेका उनले बालेन व्यक्तिमात्रै भएको र उनीसँग विचार नभएको टिप्पणी गरेका हुन्।

बालेन र तपाईंकोबीच एकता हुन सक्छ? भन्ने धमलाकाे प्रश्नमा उनले भने, ‘बालेन व्यक्ति हाे याद गर्नुस्, विचार छैन त्यहाँ। बिना विचारको देश चल्दैन। विचारसहितको विकल्प चाहियो हामीले भनेको हो। बालेनसँग काठमाडौँ महानगरपालिका चलाउनेसम्मको विचार छ। तर, देश चलाउनेसम्मको विचार उहाँले व्यक्त गरिसकेको छैन।’