नेपाल आर्ट काउन्सिलमा नदी, जंगल र माटोको महत्व दर्शाउने फोटोहरु प्रदर्शनीमा राखिएको छ।
‘नदीनाला कसका’ शीर्षकमा शुक्रबार बेलुकाखि सुरु भएको प्रदर्शनी पुस ७ गतेसम्म चल्नेछ।
फोटो सर्कलको आयोजनामा भएकाे प्रदर्शनीलाई जेन गुडल इन्स्टिच्युट नेपाल र आइडब्लुबीले सहकार्य गरेका छन्।
प्रदर्शनीमा गोदावरीमा विकासको कथा, त्यहाँ मार्बल उत्खनन गर्न सिङ्गो डाँडा नै ओगटिएका डाँडाकाँडा कसका हुन्? मुक्कुमलुङमा विकासको कथा के हो? त्यहाँ नयाँ केबल कार परियोजना निर्माणका लागि फाँडेर सर्वनाश पारिएको जंगल जोगाउन स्थानीयबासीहरू अझै लडिरहेका छन्।
यो वन कसको हो? जोगीदहमा विकासको कथा के हो? पछिल्लो ३० वर्षदेखि यहाँका राजनीतिक दलका नेताहरूले आफ्ना मतदातालाई नयाँ एअरपोर्ट बनाइदिने वाचा गर्दै आए पनि त्यसका लागि १५६ हेक्टर जंगलका रूखबिरुवा फडानी गरेर आएको काठपात बेच्नेबाहेक अरु केही गरेका छैनन्।
ती रुखबिरुवा कसका हुन्? सुनकोशीमा विकासको कथा के हो? यस नदीलाई सिँचाई र जलविद्युतका लागि बाँध लगाउने र अन्तै डोऱ्याउने काम मात्रै भएको छ। यो नदी कसको हो?लगायतका प्रश्न फोटोमार्फत अघि सारेको आयोजकले जनाएका छन्।
