नेकपा (एमाले)का महासचिव शंकर पोखरेलले काम गर्नेलाई काम गर्न दिनुपर्ने बताएका छन्।
शुक्रबार काठमाडौँमा आयोजित जागरण सभालाई सम्बोधन गर्दै महासचिव पोखरेलले यस्तो बताएका हुन्।
‘नेकपा एमालेलाई देशको विकास गर्न नसक्ने भने आरोप लगाउने गरिन्छ। जसले देशको विकासको नेतृत्व गर्न सक्दछ, उसलाई बद्नाम गर्न खोज्ने, खुट्टा तान्ने प्रवृति रहने हो भने यो देश बन्दैन भन्ने सच्चाइलाई बुझेर हामीले भन्न सक्नुपर्छ, काम गर्नेहरुलाई काम गर्न देऊ आजको जागरण सभाले त्यो सन्देश दिन सक्नुपर्छ’, महासचिव पोखरेलले भने।
उनले नेपाल बनाउन सक्ने पार्टी एमाले मात्रै भएको दाबी गर्दै भ्रमको पछाडि नलाग्न जनतालाई अपील गरे।
