नेकपा (माओवादी केन्द्र)का अध्यक्ष पुष्पकमल दाहाल प्रचण्डले ३२ नम्बर म्याजिक (जादूमयी) भएकाे दाेहाेर्याएका छन्। शनिबार माओवादी केन्द्र काभ्रे-काठमाडौँ सम्पर्क समन्वय समितिको चौथो भेलालाई सम्बाेधन गर्दै अध्यक्ष प्रचण्डले उक्त शब्द फेरि दाेहाेर्याएका हुन्।
‘यही हलमा हाे, तामाङ राष्ट्रियमुक्ति माेर्चाकाे सम्मेलन थियाे, मैले ३२काे संख्यालाई जादुकाे संख्या भयाे हाम्राे भनेकाे थिएँ। मेराे याे भनाइले उनीहरु अझ बढी तरङ्गित पनि भए हाेलान् मैले त्याे नभनेकाे भए पनि हुने थियाे हाेला’, प्रचण्डले भने, ‘अहिले पनि हाम्राे संख्या फेरि पनि म्याजिकै छ। किनभने हामी ३२ भएकाे हुनाले प्रमुख विपक्षी दलकाे नेता छ हाम्राे पार्टी र विपक्षी दल भनेकाे गभर्मेन्ट इन वेइटिङ भन्छन् पर्खिराखेकाे सरकार हाे।’
उनले अहिलेकाे सरकार उल्टाएर बन्ने सरकार आफ्नै पार्टीकाे हुने दाबी गरे।
यद्यपि, आफ्नाे पार्टी अहिले सरकारबाहिर बस्नु परेकाेमा कुनै चिन्ता नभएकाे अध्यक्ष प्रचण्डले स्पष्ट पारे।
भिडियाे:
.jpg)
