कञ्चनपुर महेन्द्रनगरकी १३ वर्षीया बालिका निर्मला पन्तको बलात्कारपछि हत्या प्रकरणबारे टेलिभिजनमा भ्रमपूर्ण अन्तर्वार्ता दिएको आरोपमा पक्राउ परेका नवराज अर्याल रिहा भएका छन्।

नेपाल प्रहरीकाे केन्द्रीय अनुसन्धान ब्यूरो (सीआईबी)ले गोरखाका अर्याललाई सोधपुछ गरेर हाजिर जमानतमा छाडेकाे हाे।

गलत विवरणसहित दुष्प्रचार गरेकाे भन्दै सीआईबीले अर्याललाई बुधबार पक्राउ गरेकाे थियाे।

आफू खानेपानी विभागको सवारी चालक रहेको दाबी गर्ने अर्यालले आफू कञ्चनपुर पुगेको बेला निर्मलाको बलात्कार हुँदै गरेको देखेको झुठो विवरण अन्तर्वार्तामा दिएका थिए।