चौंथो संस्कर एभरेष्ट प्रिमियर लिग (ईपीएल) टी–२० क्रिकेटको पहिलो खेलमा ललितपुर प्याट्रीयट्सले काठमाडौं किङ्स–११ लाई जितका लागि १ सय ५८ रनको लक्ष्य दिएको छ।
कीर्तिपुरस्थित टियु क्रिकेट मैदानमा शनिबार टस हारेर पहिले ब्याटिङ गरेको ललितपुरले निर्धारित २० ओभरमा ८ विकेट गुमाएर १ सय ५७ रन बनाएको हो।
ललितपुरका लागि पवन सर्राफले अर्धशतकीय इनिङ्स खेल्दै ६१ रन बनाए। उनले ४४ बलमा ५ चौका र ४ छक्का प्रहार गरे। योगेन्द्रसिंह कार्कीले ३३, शंकर रानाले १४ रन र भुटानी खेलाडी रनजुङ मिक्यो दोर्जीले अविजित १७ रनको योगदान गरे।
कप्तान कुशल भुर्तेल शून्य रनमा आउट भए।
काठमाडौंका जितेन्द्र मुखियाले ४ तथा रायन ब्रुल र गुलशन झाले २/२ विकेट लिए।
