सहकारीको रकम अपचलन गरेको अरोपमा मुछिएका सत्तारुढ दल नेपाली काँग्रेसका उपसभापति धनराज गुरुङसँग प्रहरीको केन्द्रीय अनुसन्धान ब्युरो (सिआइबी)ले बयान लिएको छ।
मितेरी सहकारीको रकम अपचलनमा मुछिएका उनलाई प्रहरीले बुधबार करिब ६ घण्टा बयान लिएको हो। उनको पूर्व श्रीमती सहकारीको रकम अनियमिततामा संलग्न रहेको खुलेपछि फरार छिन्।
श्रीमतीसँगै उपसभापति गुरुङको नाम पनि जोडिएपछि उनीमाथि अनुसन्धान गर्नुपर्ने दबाबमा प्रहरी थियो। यद्यपि प्रहरीले उनीमाथि अनुसन्धान गर्न सकेको थिएन। चौतर्फी दबाबपछि प्रहरीले गुरुङमाथि बुधबार बयान लिएको छ।
बयानपछि उनलाई कागज गरेर खोजेको बेलामा उपस्थित हुने सर्तमा छाडिएको प्रहरी स्रोतले बतायो। गुरुङको श्रीमती ज्योति गुरुङमाथि मितेरीको महाप्रबन्धक हुँदा बचतकर्ताको १२ करोड ५० लाख रुपैयाँ हिनामिना गरेको आरोप छ।
