वन तथा वातावरण मन्त्री ऐनबहादुर शाही ठकुरी अजरबैजान उडेका छन्। उनी त्यहाँ हुने जलवायु परिवर्तनसम्बन्धी संयुक्त राष्ट्रसङ्घीय सम्मेलन (कोप–२९) मा भाग लिन अजरबैजानकाे राजधानी बाकुतर्फ शनिबार उडेका हुन्।
सम्मेलन यही कात्तिक २६ गतेदेखि मङ्सिर ७ सम्म हुँदैछ। मन्त्री शाही नेतृत्वको प्रतिनिधिमण्डलमा वन सचिव डा. दीपककुमार खराललगायत सहभागि रहेका छन्।
सम्मेलनमा नेपालले जलवायु अनुकूलन, हानि, जलवायु वित्त, प्रविधि विकास र हस्तान्तरण क्षमता विकास अल्पविकसित राष्ट्रहरूको विषय प्रमुख रूपमा उठान गर्ने तयारी गरेको छ।
